Prome Minister Evelyn Wever-Croes :
Mensahe di Prome Minister en conexion cu
DIA INTERNACIONAL PA ELIMINACION DI VIOLENCIA CONTRA HENDE MUHE
Lo cende luz oranje na bestuurskantoor como seรฑal di sosten pa hende muhenan cu ta victima di abuso
Awe, 25 di November, ta dia internacional cu nos ta para keto riba esfuersonan mundial pa elimina violencia contra hende muhe. Na Aruba 1 di cada 3 hende muhe ta bira victima di violencia. Esaki sigur ta hopi preocupante. Prome Minister Evelyn Wever-Croes riba e fecha importante aki ta encurasha cada ciudadano di nos pais pa para hunto y bisa ta basta na violencia contra hende muhe.
โOra nos bisa 1 di cada 3, nos no ta papia solamente di abuso fisico pero tambe abuso emocional y verbal pasobra tin biaha tambe cu palabra bo por haci hopi mas daรฑo cu un abuso fisico. Mi ta kere cu e impacto cu esaki tin no solamente riba e persona sino su yiunan y famia, pero ta afecta un mucha for di chikito. E mucha lo lanta cu un trauma y esaki ta e momentonan cu nos mester realisa, e seรฑalnan alarmante den nos comunidad a consecuencia di violencia contra hende muhe.
Mi ta kere a bira ora pa bisa ta basta. E solucion ta den nos propio man pa cada un di nos traha pa stop violencia contra hende muhe. Violencia fisico y tambe verbal door di esnan cu ta kere cu nan por insulta, humiya, ofende hende muhe simplemente pasobra nan ta hende homber.
Awe mi kier haci un apelacion na henter comunidad pa nos para hunto y bisa ta basta y ban stop violencia contra hende muhe. Ban hacie pa e victimanan, nan yiunan, pa nan mama y tata, famianan y henter comunidad di Aruba. Hunto nos por pone un fin na esaki y para violencia contra hende muheโ, Prome Minister Evelyn Wever-Croes a expresa.
En conexion cu Dia Internacional Pa Eliminacion Di Violencia Contra Hende Muhe, diabierna atardi na Bestuurskantoor lo cende e lusnan oranje cu ta e seรฑal ora bo ta sostene y convivi cu esnan cu ta victima di abuso contra hende muhe. Prome Minister den number di Gobierno di Aruba ta extende un invitacion na e comunidad di Aruba pa asisti na Bestuurskantoor pa 6:30 pm y pa para hunto y caba cu e tipo di violencia aki na Aruba.
