Premier Evelyn Wever – Croes:

‘MAS NOS SIÑA DI PASADO MIHOR NOS TA COMPRONDE PRESENTE Y MAS NOS POR REALISA PA FUTURO’

ORANJESTAD – Prome Minister Evelyn Wever – Croes a bishita e museo Hermitage Amsterdam unda tin exposicion di un yiu di tera, sra. Rita Maasdamme kende a fayece algun aña pasa. A traves di e exposicion, sra. Maasdamme ta elabora historia di esclavitud na Aruba, Corsou y Surinam.

“Wij hebben ons volk, wij hebben ons territorium en wij stellen ons op de standpunt dat we onafhankelijk willen zijn” Esakinan ta palabranan di Aruba su libertador Betico Croes cu ta exponi den e museo Hermitage Amsterdam den un exposicion di sra. Rita Maasdamme riba e tema di esclavitud cu a tuma luga na Aruba, Corsou y Surinam. 

Prome Minister a expresa cu aworaki cu ta papia asina tanto di sclavitud, a haye importante pa mira e exposicion y duna honor na un yiu di tera cu a laga un exposicion impresionante atras. 

‘Mi ta convenci cu mas nos siña di pasado y di historia, mihor nos ta compronde presente y mas nos por realisa pa futuro,’ Prome Minister a termina bisando.