AHATA Excellence Awards 2022 lo reconoce empleadonan excepcional

ORANJESTAD, 1 December 2022– Marcando e di cinco aniversario di e programa di premiacion, Aruba Hotel & Tourism Association (AHATA) ta hopi entusiasma pa anuncia cu e evento special di AHATA Excellence Awards lo tuma lugar diasabra venidero.

147 diferente tipo di compania ta pertenece n’e miembresia di AHATA y cada un a haya e oportunidad pa nomina e empleado mas excepcional pa e reconocemento special aki. Cada honrado ta personifica esfuerso extraordinario y servicio excelente cu ta contribui significante na un industria di turismo exitoso y economia productivo.

E honradonan lo ricibi un certificado special y un regalo monetario cortesia di AHATA durante un cena celebratorio den e Ballroom di Hyatt Regency.

AHATA ta hopi agradecido na e main sponsor; Elite Productions & Entertainment, y tambe e sponsor di bebida; Browerij Nacional Balashi, y sponsor di e lugar; Hyatt Regency Aruba Resort.

Despues di e anochi celebratorio aki, lo anuncia cada honrado riba rednan social, ademas lo comparti un entrevista cortico graba durante e evento di cada honrado expresando nan motivacion pa logra excelencia den nan trabao diario. Sigui nan mensahenan riba AHATA su pagina di Facebook: https://www.facebook.com/arubahotelandtourismassociation