Parlamentario Marco Berlis (MEP): Mocion pa mantencion structural y compra di un planta nobo pa RWZI ta nonsense pa Dowers

E inversion tan necesario pa RWZI ta un locura segun Dowers

Diahuebs 24 di November Parlamento tabata tin e reunion publico pa trata e presupuesto di TPEF 2022. Mientras a trata e Ley aki, e tema di RWZI a bini ariba bastante biaha atrobe. Lider di fraccion di MAS a haci bastante pregunta riba e condicion di e planta y a duna remarkenan con e awanan ta aumentando y yegando cerca di casnan. Mi a keda sumamente asombra di e remarkenan aki ya cu Marisol y fraccion di AVP a vota contra un mocion den e reunion publico di Rapport Carmabi na januari 31 2022 pa introduci un plan di mantencion structural pa e plantannan y construi un planta nobo pa RWZI. Ora cu mi a expone nan hipocrecia, Arthur Dowers a kere tabata un excelente idea pa sali bisa cu e mocion pa drecha e situacion na RWZI tawata nonsense, cu e no ta nada drechi, y cu pe no tin niun sentido! Imagina bo e barbaridad aki di un ex-minister cu a laga kita radarnan, kita Guarda Nos Costa, kita helicopter pa laga nos fronteranan sin proteccion. Esaki ta e “bon comun” cu AVP tin pa Aruba? Esey si tin sentido? Gaña limpia beach y laga un RWZI na werki ta parti di nan “bon comun?” Ta kico tin sentido comun pa boso anto?

1. Nonsense ta: ora cu den 8 aña di gobernacion di AVP a inverti solamente 1 miyon florin den RWZI. Pone esaki den perspectiva di e 2.2 Biyon cu nan a malgasta, e 970 miyon cu nan a bin haya den caha di gobierno cu a bay perdi den fiesta y mas fiesta pa amigonan!
2. Nonsense ta: ora cu AVP y Marisol no a kiek pa un momento tocante di e situacion di RWZI durante e gobernacion di AVP. Tragicamente, historia ta mustra nan desinteres total pa cu e plantanan.
3. Nonsense ta; ora fraccion MAS y AVP a vota contra di solucion pa RWZI den reunion publico di Rapport Carmabi riba januari 31 2022, y no a presenta un otro solucion tampoco!
4. Nonsense ta: ora cu bo ta traha un Plan di Gobernacion 2021 sin menciona RWZI, corda di tin un intencion pa drecha un RWZI den crisis! Esaki ta AVP su “nonsense comun!” Berdad, esaki no tin niun sentido! Bo kier wak AVP su plan di gobernacion pa bo mes y constata loke mi ta bisando, sigui e link aki: https://avp.aw/programa/programa2021.pdf
5. Nonsense ta: ora cu ainda despues di tur esaki bo tin e curashi pa bay para banda di RWZI pa haci denuncia di e condicion di RWZI! Esaki ta e “nonsense comun” di AVP? Si, asina mes!

Mientras tanto mester bisa cu gobierno di Gabinete Wever-Croes I-II si a inverti den varios ekipo y necesidad di RWZI den apenas 5 aña;

• 93.000 florin pa un Aqua Jet Aerator.  A inverti 3.6 miyon den: UV-Material, Pompnan nobo, Boomtruck nobo, BOD Track Lab Equipment, Floaters, y mas.
• Na 2019 a inverti den e Nanofloc. A inverti 600.000 mil florin pa e Aeration Tank Repair na 2021.
• A inverti 400.000 na 2022 pa 5 Aqua Jet Aerator di 40HP. A inverti 150.000 florin den Chemical Dosing Pomp y Two Lift Station.
• A inverti den 6 Brush rotor Refurbishment pa e cantidad di 280.000 florin. A inverti 1 miyon florin den e Dredging Aeration Tank. Esaki nos ta yama un inversion logico cu sentido, eskinan no ta nonsense!

Si pueblo desea mas informacion di e articulo aki, contact mi na tel: 528-4639 of email mi na: marco.berlis@parlamento.aw / Bo parlamentario y sirbidor di pueblo na bo ordo semper!