Farandula Gobierno Reconocimento

PREMIO NACIONAL CRIOYO DI ORO OTORGA NA SRA. MAYBELLINE ARENDS โ€“ CROES.

๐”๐ง ๐ซ๐ž๐œ๐จ๐ง๐จ๐œ๐ž๐ฆ๐ž๐ง๐ญ๐จ ๐ฉ๐š ๐ž ๐ญ๐ซ๐š๐ฒ๐ž๐œ๐ญ๐จ๐ซ๐ข๐š ๐ฆ๐ฎ๐ฌ๐ข๐œ๐š๐ฅ ๐ข๐ฆ๐ฉ๐ซ๐ž๐ฌ๐ข๐จ๐ง๐š๐ง๐ญ๐ž ๐๐ข ๐ฆ๐š๐ฌ ๐๐ข ๐Ÿ“๐Ÿ‘ ๐šรฑ๐š.

Advertisements

ORANJESTAD: Durante un anochi historico, magistral yena cu nostalgia y amor na Cas di Cultura, Gobierno di Aruba a ortoga sra. Maybelline Arends-Croes cu e reconocemento Premio Nacional Crioyo di Oro. Sra. Arends โ€“ Croes tin un trayectoria exitoso di mas di 53 aรฑa como musico, docente, cantante y compositor. Sra. Arends โ€“ Croes tambe a dedica na formacion musical di hopi persona cu awendia ta cantante of ta contribui na e desaroyo musical di nos pais. Durante e concierto di gala ex alumnonan di sra. Maybelline Arends – Croes a uni pa presenta un espectacular homenahe musical dedica na su persona. The Young Voices, Grupo Melange, Cesar Olarte, Erika Giel, Rocco Franken, Gloria Vega, Rachel Kraaijvanger, Edjean Semeleer a presenta e exitonan musical di sra. Arends-Croes y rindi homenahe na su gran carera musical. Coronan di Tuti Frutti di aรฑanan 80 y 90 a reuni special pa e anochi aki. Tambe por a disfruta di e presentacion di Teen Angels, Erika Giel, Grupo Chrystal, Margaret Marin, Richard Dabian, Los 3 Cochinitos, Edjean y Adriana Kozlov. Durante presentacion di coro Tuti Frutti prome generacion, sra. Maybelline a subi cu su guitara y a join e coro cu e la dirigi pa hopi aรฑa.

Sra. Maybelline mes cu a canta den duo cu Sergio Tjie-A-Loi y cu Grupo Melange, y a clausura e anochi despues cu Maybelline a ricibi su premio di man di Minister Endy Croes den nomber di Gobierno di Aruba. Minister Presidente Evelyn Wever โ€“ Croes y Minister di Cultura Xiomara Maduro a manda un bunita mensahe via video pa sra. Maybelline cu a wordo presenta e anochi aki.

Minister Endy Croes ta gradici Fundacion GO Cultura, sr. Edjean Semeleer, Departamento di Cultura y Gobierno di Aruba cu a haci e homenahe posibel. Como tambe ta gradici cantantenan y tur persona cu di un of otro forma a contribui cu un anochi fabuloso y inolvidabel! Palabra pabien y na sra. Maybelline Arends โ€“ Croes y su famia cu a semper a sostene. Masha danki Maybelline pa bo musica y tur loke cu bo a haci pa nos cultura y pabien cu e reconocemento bon mereci!