Secretario General di MEP, Endy Croes:

Parlamentarionan di AVP ta Parlamentario di Panlefi

Caso Avestuz di Benny Sevinger y AVP no mag di wordo lubida

Secretario General di MEP ta preocupa cu a descubrimento di e investigacion cual a produci 22000 pagina en total. Despues cu fiscalnan a presenta e caso 10 di november ultimo esaki a laga un sabor hopi amargo atras ora scucha y lesa e actonan criminal y bochornoso cu Mike Eman a permiti pa pasa bou Gabinete Eman 1 y 2. No por ta posibel cu asina tanto cos di sinberguensa y corupcion na gran escala a tuma luga y Mike Eman no tabata sa di nada y no ta comenta nada.

Benny a burla di nos sistema y kere e ta “get away”!

Siguiendo e desaroyo mas di cerca ta tuma nota cu e caso Avestruz ta e caso di corupcion di mas grandi den historia di pais Aruba. Benny Sevinger a burla di nos sistema y kere e ta “get away”. Por corda con na januari 2018 Benny a grita den un reunion publico den Parlamento “I don’t give a damn”. Pues cu e no ta worry cu nada y no tin remordimento di nada. Na un otro ocasion Benny a gaba den Parlamento cu nan ta papia di investigacion. A pasa dos aña y nada a bin dilanti pues chercha di nos sistema. Un otro biaha Benny a grita den Parlamento uzando e palabra menos bunita dirigiendo su mes na coalicion “Chupe”. Pues asina arogante y for di control Benny Sevinger ex minister di AVP ta comporta su mes den cas di pueblo. Esaki ta e mesun Benny cu Mike Eman a pidi votadonan pa sostene. Hasta Mike Eman a gaña den un reunion di AVP den campaña cu Mike mes nunca a vota pa su mes pero semper Mike mes a vota pa Benny asina pidiendo pueblo pa sostene kende tabata den KIA na Santo Patia e momento ey. Awe nos ta mira tur e acusacionnan miyonario cu a bin dilanti cu tanto prueba y kier scucha Mike Eman su opinion pero Mike ta keto keto awor riba e caso Avestruz.

Parlamentarionan di AVP ta riba “Mute”!

Parlamentarionan di AVP durante cu a trata presupuesto 2023 recien den luna di november no a presenta “at all” den sala pa debati pero si a cobra 8 dia di trabou sin traha. Tambe nos a tuma nota cu ningun pero ningun Parlamentario di AVP kier duna un opinion riba e caso di Benny. Aunke a “challenge” nan publicamente nan ta keda keto. Tanto Ryçond, Gerlien y tur Parlamentarionan tanto di AVP, MAS y Accion 21 ta keto keto riba e caso di mas grandi di corupcion den historia di Aruba. Esaki ta Parlamentarionan cu ta defende interes di pueblo?  Esakinan ta Parlamentarionan di panlefi. Cu e actitud aki pueblo mes por saca su conclusion. AVP ta sinonimo di Universidad di Corupcion y esaki awor ta prueba. Nunca pero nunca mas pueblo por confia AVP cu Bo voto. Esaki ta e trsito realidad den aña 2022.