Prome Minister Evelyn Wever-Croes:
REUNION CU MINISTER PLENIPOTENCIARIO, DIRECTORA INTERINO Y TRAHADONAN DI ARUBAHUIS TABATA POSITIVO
โTa hopi importante pa mi por mira y scucha personalmente e preocupacionnan cu tin na Arubahuisโ
ORANJESTAD – Prome Minister Evelyn Wever-Croes durante su bishita di trabou na Hulanda, diabierna ultimo a bishita Arubahuis pa asina reuni cu Minister Plenipotenciario seรฑor Ady Thijsen, directora interino seรฑora Glenda Hernandes y combersa cu e trahadonan. โTa hopi importante na momento cu mi ta na Hulanda pa bishita Arubahuis pa mi por mira y scucha personalmente e preocupacionnan cu tinโ, Prome Minister a expresa.
Arubahuis ta haciendo un trabou importante pa Aruba y por a nota cu e ta mas accesibel pa e Arubianonan cu ta biba na Hulanda. Pโesey ta importante pa sa kico ta e areanan cu nan ta trahando riba dje, pa yuda tur esnan cu ta bibando, studiando of a bay Hulanda cu un proposito medico. Prome Minister a expresa cu e asistencia brinda na su persona y demas ministernan durante nan bishita na Hulanda ta uno di aplaudi, y cu e tin tur confiansa cu e trabounan ta wordo haci na e miho manera y cada bes mehorando riba cada tereno.
Tambe Prome Minister a splica cu durante su bishita di trabou na Hulanda, hunto cu Minister Plenipotenciario a logra haci diferente bishita, y pโesey ta importante pa nan reuni y papia riba tur e bishitanan haci, pa wak con lo sigui atende cu e relacionnan, cu ta hopi importante pa pais Aruba. Prome Minister a indica cu e reunionnan tabata positivo na unda por a nota cu Minister Plenipotenciario ta haciendo un bon trabou den habri portanan y crea brugnan necesario entre Aruba y Hulanda. Esaki sigur ta facilita e trabou di e ministernan na momento cu nan bishita Hulanda pa reunionnan na unda nan por yega Hulanda reuni y haci palabracionnan concreto. โUnabes cu mi regresa Aruba mi lo repasa tur e logronan durante e siman di reunion na Hulanda pa asina sigui traha riba proyectonan cu Aruba kier encaminaโ, Prome Minister a duna di conoce.
