SECRETARIO DI ESTADO ENCARGA CU IMPUESTO DI HULANDA A EXPRESA INTERES DEN ARUBA SU PLAN FISCAL NOBO
ORANJESTAD – Recientemente Prome Minister Evelyn Wever – Croes a reuni cu Secretario di Estado encarga cu impuesto Marnix van Rij. Durante e reunion a cera conoci cu otro y trata diferente tema y trabou cu por realisa hunto.
Prome Minister Wever Croes a duna di conoce cu Secretario di Estado van Rij tabata hopi interesa den e plan fiscal cu Aruba ta bay introduci y tambe con ta trece un โfair shareโ pa gobierno. โOra cu un pais ta saliendo for di crisis, mester percura cu tin un reparticion di peso di belasting mas husto posibel.โ
Prome Minister a sigui splica cu durante di e reunion a papia di kico tur e plan ta trece cu ne den diferente sector, cambionan di tarifa manera reduccion di belasting riba salario y belasting di companianan cu tambe ta baha, a papia tambe di aumento di BBO y temanan general di supervision financiero, di e surplus, y mas.
Por ultimo, Prome Minister Wever – Croes a expresa cu e reunion a bay bon unda cu e mandatario Van Rij a reconoce Aruba su disponibilidad y determinacion pa mehora e situacion financiero di e pais y cu nan por yuda den esaki.
