POLIS CU MENSAHE DI CONCIENTISACION DEN TRAFICO

MANEHA BOU INFLUENCIA TIN SU CONSECUENCIA

MACUARIMA, SANTA CRUZ: Fin di aña 2022 ta yegando y den cuadro di esaki Cuerpo Policial Aruba lo bay tin mas control estricto den trafico. Luna di December ta conoci pa ta un luna druk. Hopi chauffeur mobilisando riba nos camindanan publico pa haci nan deligencia pero esaki tambe por trece accidente den trafico of infraccion.
Conhuntamente cu control den trafico lo bay tin mensahenan di prevencion pa concientisa nos comunidad. E tema cu Polis lo hiba como campaña ta “Maneha bou influencia tin su concecuencia”.
Locual ta resalta mas den aña 2022 ta chauffeur cu ta maneha bou influencia di alcohol. Polis ta atende cu varios caso sea ta accident fuerte, cu herido y sin herido of chauffeur cu ta core hopi malo riba caminda publico cu ta trece su mes y di otronan na peliger. Tur a causa di maneha bou influencia di alcohol.
E campaña di prevencion ta inicia awe y ta sigui den periodo di Carnaval. Conhuntamente cu e control di trafico cu tambe lo wordo ehecuta.
Pa motibonan aki lo dirigi campana riba e tema aki cu mensahenan tanto di imagen como video cu mensahenan fuerte di concientisacion prome cu aña 2022 bisa ayo.
Nos ta yama un danki na tur persona di un of otro manera a yuda nos realisa e projecto di prevencion aki. Danki na Angelou tromp, Gerardo “bashaka” janga, Joanna croes, Angelo tromp, Aurora Funeral home, Liberato hoek, personal di ambulance, Imsan, Dr. Horacio E. Oduber Hospitaal, Charline Huntington, Jessy Tromp, personal di Bombero, Rulyen Martina, Warda di San Nicolas y Balashi, Agente Maduro, Departamento di Planologie, Wendy Geerman, Janine Rodriguez, Dr. Texier, Lito Lacle, Liliana Rasmijn y Hefe di departamento di trafico Maureen Dirks. Un produccion realisa y dirigi pa Roque Angela bou encargo di departamento di comunicacion, informacion y prevencion di Cuerpo Policial Aruba.
Cu cooperacion di tur medio di comunicacion tanto television, website, radio, corant tambe riba tur e cuentanan social di Cuerpo Policial Aruba y nos website www.kpa.aw nos lo comparti nos mensahe pa asina hunto nos por preveni un desgracia fatal pa motibo di maneha bou influencia.
Cada un accidente fatal of cu herdios ta dimas ta pesey mes hunto nos por logra pa tin un trafico sigur pa un y tur. Un mensahe fuerte na tur automobilista cu bo famia ta warda bo na bida na cas