Aruba Bank a aporta na e recital anual di Rimshot Drums Aruba 2022

Oranjestad, 09 di december 2022: Desde 2015 a funda Rimshot Drums Aruba y e ta un scol di drum cu ta ofrece klasnan na muchanan hoben y adulto. Nan mision ta pa inspira, educa, motiva y di ta creativo door di haci tocanan fabuloso riba drums.

Nan a tene nan di cinco edicion di e recital di drum anual y Aruba Bank ta orguyoso di por a forma parti di esaki. E meta di e recital ta pa stimula hobennan pa desaroya nan talento den musica.

Hopi hende tabata presente na Centro di Bario Noord pa scucha e musica di e studiantenan, kendenan tabata acompaña pa otro musiconan. E recital a consisti di diferente presentacionnan di studiantenan di e skol.
Cada studiante a scoge e cantica cu nan tabata desea di toca e anochi aki. Na final di anochi cada studiante a ricibi nan certificado di nan logro pa 2022.

E recital di Rimshot Drums tabata un evento enfoca na stimula mas studiante, hoben y adulto, pa involucra nan mes den e programa musical y educacional. Manera aña pasa un biaha mas e recital tabata exitoso.

Nos ta feliz di a yuda haci e recital aki posibel y uno exitoso.

Nos ta contento di a mira hopi talento cu tin na Aruba.
Pabien Rimshot Drums Aruba cu boso recital exitoso.