Noticia

E tarifa di inkomstenbelasting y loonbelasting ta cambia entrante 1 di januari 2023.

Alabes ta aumenta e suma liber di impuesto te na Afl. 30.000

Advertisements


ORANJESTAD – Entrante 1 di januari 2023 lo tin cambio den e tarifa di inkomstenbelasting y loonbelasting.
Manera conoci e mesun tarifa cu ta valido pa inkomstenbelasting ta valido tambe pa loonbelasting. E tarifa aki ta
hopi importante tanto pa e persona priva, doño di trabou y comerciante cu tin un empresa propio. E cambio ta
encera un reduccion di e tarifa actual, cual ta nifica cu mayoria di e contribuyentenan lo bay paga menos
inkomstenbelasting y loonbelasting den aña 2023. Specialmente e clase trahado lo bay ripara cu su doño di
trabou lo bay retene menos loonbelasting durante 2023 compara cu 2022 y asina e empleado lo ricibi un suma
di salario mas halto den su man.
Alabes ta aumenta e suma liber di impuesto te na Afl. 30.000 cual ta nifica cu 36.161contribuyente lo no bay
paga impuesto entrante aña 2023.
Consideracionnan
Recientemente e ley di Plan di Impuesto 2023 a keda aproba door di Parlamento di Aruba. Un di e cambionan di
e Plan di Impuesto ta encera aumento di e tarifa di BBO cu 1%. Pa compensa e posibel aumento di prijs di
producto y servicio, a keda aproba tambe cu ta reduci e tarifa di inkomstenbelasting y loonbelasting
specialmente pa esnan mas vulnerabel den comunidad, esta e clase trahado cu ta gana bou di Afl. 100.000
bruto pa aña. Cu reduccion di e tarifa, esaki lo duna e espacio financiero na comunidad, cual lo yuda trece alivio
den e poder di compra y lo contribui tambe pa mantene e economia stabiel.
E tabel nobo di inkomstenbelasting/loonbelasting 2023
E tabel nobo di inkomstenbelasting/loonbelasting 2023 ta como lo siguiente:
Na un entrada di mas cu e suma menciona
den kolom I, pero no mas cu e suma
menciona den kolom II,
e suma di impuesto ta bira e suma menciona den
kolom III hunto cu e suma calcula a base di e
porcentahe menciona den kolom IV.
Ta calcula e porcentahe riba e parti di entrada cu ta
surpasa e suma menciona den kolom I.
I II III IV

  1. – 34.930 – 10,00%
  2. 34.930 63.904 3.493,00 21,00%
  3. 63.904 135.527 9.577,50 42,00%
  4. 135.527 – 39.659,20 52,00%
    Splicacion di e cambionan
    Suma liber di impuesto
    (belastingvrije som)
    Afl. 30.000 (esaki tawata Afl. 28.861)
    Categoria di entrada
    (inkomensschijven)
  • Pa categoria di entrada 1 ta reduci e porcentahe menciona den kolom IV te na
    10% (esaki tawata 12%).
  • Pa categoria di entrada 2 ta adapta e suma den kolom II na Afl. 63.904 (esaki
    tawata Afl. 65.904) y ta reduci e porcentahe menciona den kolom IV te na 21%
    (esaki tawata 23%).
  • Pa categoria di entrada 3 ta adapta e suma den kolom II na Afl. 135.527
    (esaki tawata Afl. 147.454) y ta reduci e suma den kolom III te na Afl. 9.577,50
    (esaki tawata Afl. 11.315,62).
  • Pa categoria di entrada 4 ta reduci e suma den kolom III te na Afl. 39.659,20
    (esaki tawata Afl. 45.566,62).
    Aumento di e suma liber di impuesto ta nifica cu tur persona priva of comerciante cu tin un empresa propio y cu
    tin un entrada fiscal te cu Afl. 30.000 pa aña, lo no paga inkomstenbelasting y loonbelasting.
    Con ta haci e calculacion di impuesto?
    Aki ta sigui un splicacion di e forma cu ta calcula e suma di impuesto.
     Prome cu aplica e tabel pa calcula e suma di impuesto mester deduci e suma liber di impuesto
    (belastingvrije som) di Afl 30.000.
     Na final ta haci e suma di impuesto cu a wordo calcula, un suma cera.
    Ehempel:
    Entrada fiscal Afl. 68.864
    Suma liber di impuesto Afl. 30.000 -/-
    Entrada riba cual ta aplica e tabel Afl. 38.864  mira categoria di entrada nr. 2
    Kita suma di kolom I (categoria 2) Afl. 34.930 -/-
    Saldo Afl. 3.934
    Impuesto riba Afl. 34.930 segun kolom III (categoria 2) Afl. 3.493,00
    Impuesto riba Afl. 3.934  21% segun kolom IV Afl. 826,14
    Suma total di impuesto Afl. 4.319,14
    Inkomstenbelasting of loonbelasting cu mester paga Afl. 4.319 (pa aña)
    Departamento di Impuesto tin un calculator den forma di un MS Excel file cual e contribuyentenan por uza pa
    calcula e suma di inkomstenbelasting of loonbelasting automaticamente. E file aki yama ‘Calculator IB-LB 2023’
    y por baha esaki di e website www.impuesto.aw.
    Ta importante pa un y tur, specialmente e doñonan di trabou cu tin cu prepara payroll di nan empleadonan
    durante aña 2023, pa aplica e tabel di tarifa nobo di inkomstenbelasting y loonbelasting