MINISTER ENDY CROES A BISHITA STR AGRICULTURE FARM

ORANJESTAD: Recientemente, Minister Endy Croes a bishita STR Argiculture Farm na Alto Vista en conexion cu nan actividad di fin di aña. STR Agriculture Farm a invita e muchanan di Imeldahof pa un dia yen di alegria y celebracion. Santa Claus tabata presente pa parti regalo y e muchanan por a disfruta di un dushi cuminda.  Presente na e mainta special tabata Parlamentario Darlaine Guedez – Erasmus y Alvin Molina. STR Durante e mainta ameno Minister Endy Croes a haya recorido di e luga unda por a wak e lokaalnan cu e muchanan ta haya les di agricultura. Como tambe Minister Endy Croes a haya un recorido di tereno unda ta planta diferente berdura y fruta manera e.o. komkomber, tomati, spinazie, pika, bonchi largo, patia etc. Conluyendo, Minister Endy Croes ta gradici director sr. Naipaul Ramadar pe invitacion alabes ta felicita staf y personal di STR Farm cu un bunita iniciativa y evento special pa nos muchanan.