CLIENTENAN DI ELMAR CU TA REGISTRA PA E-BILLING LO NO RICIBI NAN FACTURA MAS NA CAS

Oranjestad, 9 di januari 2023 – Entrante e luna di consumo di februari 2023, e clientenan di ELMAR cu ta registra pa e-Billing lo no ricibi nan factura di coriente mas na cas via post. En cambio, usuarionan di e-Billing lo sigui ricibi nan factura digital via nos plataforma di e-Connect. e-Billing ta notifica bo via email cu bo factura ta online riba e-Connect.

E cambio pa factura digital tin varios bentaha pa nos clientenan y nos organisacion. e-Billing ta eficiente y mas sano pa nos medio ambiente. E ta reduci e uzo di papel y e costo asocia cu print y post. Ademas e ta mas conviniente pa nos clientenan, door cu nos clientenan facilmente lo tin aceso na nan factura di coriente digitalmente pa por haci pagonan online.

Ban paperless! Ricibo bo factura digital. Si bo no ta un usuario di e-Billing ainda y ta desea pa registra; subi www.elmar.aw, log-in riba nos plataforma di e-Connect, y sign up pa e-Billing. Ban contribui na sosteniblidad!

Danki pa e comprension y apoyo mientras nos ta trahando pa bira un organisacion mas sostenibel y eficiente. Si tin cualke pregunta, por fabor tuma contacto cu nos departamento di Customer Service na customerservice@elmar.aw.