Minister Dangui Oduber: MINISTER DANGUI ODUBER A RICIBI E EMBAHADOR ALEMAN STACIONA NA HULANDA
ORANJESTAD – Dialuna atardi Minister di Turismo y Salud Publico sr. Dangui Oduber a ricibi e embahador Aleman staciona na Hulanda sr. Cyrill Nunn. E tabata un encuentro ameno caminda a toca temanan di interes comun den e area di turismo y salud publico.
Minister Oduber a comparti e experiencia di con innovacion y tecnologia (Aruba Health App) a yuda Aruba maneha e pandemia di COVID19. Tambe e mandatario a splica con Aruba a maneha nos turismo despues di e pandemia uzando innovacion como e solucion caminda cu pasaheronan por presenta nan datonan personal di salud na aerolinea, hotel y tur e partner nan den e industria di hospitalidad den un forma priva y sigur.
E mandatario a papia riba temanan di turismo. Aruba tin hopi interes pa sigui diversifica y explora e mercado di Alemania. E idea ta pa purba trece un aerolinea desde alemania mescos tabata e caso cu British Airways.
A toca e tema tambe di cuido medico, Minister Oduber ta haye importante pa por crea cooperacion internacional nobo y fortifica esun nan existente. Alemania ta hopi avansa riba e tereno aki y e mandatario ta kere den importancia di innovacion den cuido y con tecnologianan avansa por yuda mehora calidad di cuido.
