ANIMAL SHELTER

Oranjestad – E dushi publico presente den Cas di Cultura riba dia 14 di December 2022, a gosa di e di tres One woman show “Alegria di Ruthy # 3″ y a duna Ruthy e cifra 10. Nan di cu esaki ta “the best” .
Danki na Tele Aruba 13 y Nos isla 23 pa a pasa e bunita grabacion realisa pa VIP TV Radio, y asina alegra e curason di esnan na cas, cu pa un of otro motibo no por a bay wak e show diaranson dia 14 di December aña pasa. Cu hopi alegria nos a scoge e fecha di diamars 10 di Januari 2023, un diamars trankil pa haci entrega di e suma recauda na benta di carchinan di e show ‘Alegria di Ruthy # 3″ na e ekipo dinamico di Wayaca Animal Shelter, na Sandy y Ria. Nos por wak bek riba un dushi y exitoso show atrobe. Mas o menos 200 persona a bini y presencia e show, di cual den e cantidad aki tin carchinan cu nos a regala, pa cuadra cu e dushi y bunita Spirito di Pasco y fin di aña. E suma cu ta ser entrega na Wayaca Animal Shelter ta Afls. 1.418,- . Esaki ta algo haci cu hopi amor y door cu ora a ofrece publico na varios actividad pa coopera y cumpra carchinan tawatin otro actividad caba, e.o. cena di Pasco cu trabao of grupo di amigonan. Nos a haci nos best y di ‘no a give up’. Ta prome biaha Ruthy a tene su show den e luna di december. Nos experiencianan ta bunita, specialmente e anochinan di training cu su tremendo ekipo di artista y musiconan den ‘Veranda Shon Johan’. Ruthy ta super gradicido y hopi satisfecho con tur cos a cana, prome, durante y despues di su show. Semper tin espacio pa mehora, pero mirando cu Lady Ruth no ta un profesional, pero si un artista multifacetico natural cu curason y talento, el’a duna di su mes atrobe y a sinti e amor den su publico resalta den nan dushi harimento y dushi aplauso.
Ya cu banconan no ta traha cu cheque mas, nos ta haci entrega di e suma na cash.
Nos por menciona, cu Superfood a cumpra un total 25 carchi, e resto di carchinan a wordo bendi na Plaza Bookshop, Cas di Cultura y pa nos mes personalmente.

Danki na tur cu a cumpra un carchi y a bin presencia e show y baha un crenchi di stress cu e harimentonan y gosa di e bunita cantamento, bailamento y recitacion di poemanan den 4 idioma.
Nos miho deseonan ainda pa un Bon y Feliz Aña 2023 cu salud, amor, alegria y sabiduria cada dia!
Danki na miembronan di Prensa pa boso presencia y bon trabao di semper.
Un Bon Aña pa boso tambe, naturalmente, y na Aruba henter!

Wayaca Animal Shelter : Lieve Ria en Sandy, Exito e aña aki tambe cu boso bunita y bon trabaonan como boluntario cuidando e cachonan cu no tin un hogar.
Cu un danki na Departamento di Cultura Aruba, UNOCA, DHL, Optica Moderna, Go Cultura , Aruba Bank y La Moderna cu a cubri e gastonan di e show ‘Alegria di Ruthy # 3’.