Secretaris General di MEP, Endy Croes: NOS TA FELICITA SOSTENEDO Y VOTADONAN DI PARTIDO MEP CU 52 AÑA DI EXISTENCIA.

SANTA CRUZ; Dia 9 di februari, Partido Movimiento Electoral di Pueblo (MEP) ta celebra 52 aña di existencia. Como secretario general di e prestigioso partido MEP, mi kier a felicita tur candidato, directiva y sostenedonan riba e fecha tan special, unda nos partido ta celebra 52 aña trahando pa bienestar y progreso di nos dushi pais Aruba. Alabes mi ta gradici e votadonan pa e confiansa incondicional brinda na e partido MEP.

Danki na e vision di lider inmortal Betico Croes cu a visualisa esaki y e sostenedonan desde februari 1971. Danki na e liderazgo di nos lider honorario, sr. Nelson Orlando Oduber y danki na liderazgo capabel di Evelyn Wever – Croes cu ta forma e tres lidernan cu a traspasa 52 aña pa cu existencia cu nos ta celebra di Movimiento Electoral di Pueblo. Hunto cu e sostenedonan y pueblo di Aruba den totalidad. MEP semper a bringa pa un miho Aruba. Tambe nos ta agradecido na e pueblo cu semper a aprecia MEP desde su inicio. Un partido cu pueblo nunca a balora bou di shete (7) asiento. Pabien Aruba! Pabien MEP!