MINISTER ENDY CROES TA DESEA SELECCION DI SOFTBALL FEMENINO HOPI EXITO NA ST JOHNS.

ORANJESTAD: Diadomingo mainta, Minister Endy Croes a pasa aeropuerto internacional Reina Beatrix pa desea nos seleccion di softball femenino hopi exito den e torneo di English Caribbean Amateur Softball Confederation (ECASC). E campeonato ta tuma luga di 1 pa 6 di maart na St. Johns. Un total di 6 ekipo di British Virgin Islands, Curaçao, Jamaica, US Virgin Islands, Sint Maarten y Aruba ta participa na e toreno aki. E competencia aki ta uno hopi importante, ya cu e ekipo cu gana medaya di oro automaticamente ta clasifica pa Juegos Centro Americano y Del Caribe 2023 cu ta tuma luga na juni proximo. Aruba su prome wega ta contra di nos isla ruman Curaçao. Minister Endy Croes ta desea nos seleccion nacional hopi exito, boso deseo, cu disciplina, dedicacion y determinacion boso ta logra! Exito.