Minister Endy Croes: CONTAINER CU MATERIAL TA NA ARUBA PA FINALISA E TRABOU DI RENOBACION DI VELD DI KUDAWECHA.

Trabounan ta continua.

ORANJESTAD: Diadomingo ultimo, Minister Endy Croes a bishita Veld di Kudawecha. Container cu material ta Aruba, pues e siman entrante e proyecto di renobacion ta continua. Manera ta conoci, Veld di Kudawecha tabata algun tempo atras den un situacion deplorabel. Desde aña 2021 a inicia cu e proyecto di renobacion di Veld di Kudawecha, pero pa motibo cu a keda falta material pa sigui traha, no a finalisa e trabou. Durante aña 2022 a haci pedido di e materialnan cu a keda falta, entre otro yerba artificial y net pa “backstop”. Ta premira cu dentro di 2 luna ta finalisa e proyecto di renobacion aki y Veld di Kudawecha ta den funcionamento bek, pa asina brinda e hobennan cu ta eherce e deporte di baseball y softball e oportunidad cu nan merece. Pronto, e deportistanan di baseball y softball por sigui practica nan deporte riba un veld completamente renoba y modernisa.