Minister Endy Croes: Presidente di IOC Thomas Bach hunto cu Presidente di PanAM Sport Nevin Illic a bishita Ministerraad
Diabierna ultimo, tras di merdia a aterisa na Aruba un private jet cu un delegacion di 9 persona. E delegacion aki a bini Aruba pa haci algun bishita hopi special y alabes asisti na e apertura oficial di e Head Quarter di Comite Olimpico Arubano (COA).
Sr. Thomas Bach, Presidente di International Olympic Committee (IOC) hunto cu Presidente di PanAm Sport Neven Illic, James Mac Leod Director of Olympic Solidarity Funds, Joanna Zipser- Graves Seรฑor Manager NOC management programmes of Olympic Solidarity, demas miembronan internacional compaรฑa pa Wanda Broeksma Presidente di COA, Nicole Hoevertsz Vice Presidente di IOC y Secretaris General di di COA a haci un bishita oficial na Ministerraad, yama Extraordinario diabierna atardi. Despues cu nan a atersia mesora a pasa di bishita na Gobernador pa despues sigui pa Ministerraad Extraordinario. mesun anochi tabata tin un seccion cu stakeholders priva y alabes un recepcion na Seaport.
Durante e reunion cu Ministerraad, Prome Minister di Aruba Evelyn Wever-Croes a introduci su ministernan y a hiba den liรฑanan grandi e posicion di Aruba despues di pandemia. Thomas Bach despues a duna un introduccion di e balornan di deporte manera excelencia, amistad y respet, pero tambe a splica e necesidad pa e apoyo di gobierno na deporte. Thomas a expresa tambe cu el a nota e tremendo colaboracion entre gobierno y stakeholders deportivo, cual e ta aplaudi. Minister Endy Croes a hiba palabra splicando cu e combinacion di enseรฑansa y deportre ta e combinacion perfecto. Ta manera โtwin brothersโ and โtwin sistersโ. A comenta inversionnan cu ta haciendo den nos atletanan y infrastructura. Sr. Thomas Bach, Sr. Neven Illic y delegacion a keda hopi contento cu e reunion. Por a intercambia hopi idea y hopi cla a keda atras e importancia pa inverti den deporte. Thomas Bach y delegacion tabata tin palabra di elogio pa Aruba. Na final Minister Presidente a entrega un buki di Aruba como regalo na e presidentenan. Por mira atras riba un reiunion fructifero y unico, unda por a intercambia cu topnan den deporte riba plataforma mundial puntonan strategico y alcaso.
