MINISTER DI DEPORTE A BISHITA ENTRENAMENTO DI NOS PROSPECTONAN LOCAL Y PELOTERONAN PROFESIONAL.
ORANJESTAD: Ayera mainta Minister Endy Croes tabata presente na stadion Nadi Croes / Crismo Angela Baseball Park unda a bishita entrenamento di nos prospectonan local y peloteronan profesional kendenan ta den ful preparacion y entrenamento pe temporada 2022 cu lo inicia pronto. Minister Endy Croes a combersa cu Eugene Kingsale kende a elabora con e programa di entrenamento ta wordo preprara. Banda di ta traha riba e preparacion fisico, ta traha riba entre otro; bateo, coremento di base y diferente otro ehercionan. Tambe por a mira peloteronan profesional di โBig Leagueโ manera Otto Lopez di Toronto Blue Jays presente hunto cu diferente peloteronan cu ta den โMinor Leagueโ manera Brandon Hernandez, Charles Leblanc, Narciso Crook y Francisco Hernandez kendenan ta na Aruba hunto cu nos gran pelotero Chadwick Tromp.
Minister Endy Croes a hiba palabra y motiva nos peloteronan pa sigui haci nan miho esfuerso, traha duro cu dedicacion, determinacion y disciplina nan por logra nan deseo y soรฑonan.
โNos ta contento y satisfecho con e entrenamento di e peloteronan firma y esun di โCollegeโ ta bayendoโ, e mandatario a expresa. Por ultimo Minister Endy Croes ta desea tur nos peloteronan hopi exito durante nan temporada nobo di baseball 2022 y cu por conta cu sosten di Ministerio di Deporte!
