SETAR hibando nos scolnan na e siguiente nivel cu fiber
E pandemia aki di COVID-19 a mustra nos con importante e acceso na Internet ta y e importancia pa ta conecta na tur momento. SETAR durante e periodo aki a bin cu varios iniciativa pa haci les online posibel door di haci donacion di Mifi y carchinan di prepaid pa studiantenan cu no tin acceso di Internet na cas como tambe donacion di tablets pa studiantenan cu no tin device.
E siguiente meta di SETAR ta pa haci e futuro resiliente pa e infrastructura y servicionan di nos scolnan. Cu e aumento drastico di enseรฑansa digital, nos scolnan tin necesidad pa mas data y stabilidad. Esaki ta wordo haci posibel door di instala fiber na tur scol na Aruba.
Actualmente SETAR tin varios scol na Aruba conecta caba riba fiber. E trabou a cuminsa cu nos scolnan secundario pa despues sigui pa nos scolnan basico. Cu e migracion aki pa fiber, SETAR por garantisa un bon speed di Internet pa nos scolnan pa por sigui crece y expande nan curriculum pa futuro.
Di e manera aki SETAR, como nos compania nacional di telecomunicacion, ta coopera pa nos scolnan por bay na e siguiente nivel y asina garantisa tambe continuidad di lesnan.
