Bo contribucion y participacion ta un oportunidad bunita
na industria creativo
nos Seyo Nacional di Artesania Aruba
Oranjestad – Departamento di Cultura Aruba (DCA) conhuntamente cu e Comision di Seyo Nacional di Artesania Aruba ta participa na artesanonan cu por haci entrega di tur material nobo cu NO tin Seyo Nacional di Artesania ainda na DCA.
E luna aki riba dia 23 di februari 2022 lo tuma luga nos prome evaluacion pa e aรฑa aki, caminda e comision ta bini hunto pa pasa riba tur e criterianan necesario relaciona cu e producto pa bini na remarca pa e Seyo Nacional di Aruba.
Bo contribucion y participacion ta un oportunidad bunita pa enrikece nos industria creativo. Y ta haci un yamada na e artesanonan pa entrega tur nan producto nobo no mas tarda cu dia 21 di februari 2022 prome cu merdia na oficina di DCA.
E proceso di aplicacion ta tuma luga na Departamento di Cultura Aruba na John F. Kennedy Educational Center cu ta keda na Stadionweg # 37, Oranjestad Aruba, (retonde banda di Cas di Cultura).
Pโesaki mester *yena e formulario di aplicacion, *mester trece un identificacion valido, *un pasfoto, *como tambe un comprobante di adres.
Relaciona cu e Seyo Nacional di Artesania Aruba por tuma contacto cu DCA pa mas informacion y tambe tocante e proceso di aplicacion via telefon 582-2185.
Criterianan pa bini na remarca di un Seyo Nacional di Artesania Aruba ta:
โข Mester ta traha na man. (No cu machine, pero cu herment manual
senciyo).
โข Autentico, Diseรฑo Original.
โข Consistencia den (re-) produccion di diseรฑo y modelo.
โข Grado di experticio (tradicional) den trahamento di e producto.
โข E producto mester ta traha na Aruba.
โข Grado di uzo di material local.
โข Grado cu e producto ta refleha tecnicanan di artesania tradicional.
Artesania ta un arte caminda cu creativdad den forma di e arte y cultura ta haya bida. Ban sigui enrikece y contribui na nos productonan artesanal local. Y aporta na nos industria creativo.
Ta danki na contribucion y participacion di nos artesanonan cu mas y mas nos tin obranan artistico local y di Aruba mes.
Cultura nos mester bibโe.
