Comunicado di prensa encuanto: Registro di Instaladornan di gas 2023

A base di art. 13 di Veiligheidsbesluit gasreservoirs en gasinstallaties (AB 1992 no. 101) DTI tin un registro di instaladornan di gas.

Recientemente DTI a otorga na e instaladornan di gas reconoci un prolongación di nan installateursvergunning por medio di un badge di 2023 y tambe nan a ricibi nan Decreto Ministerial (Ministeriële Beschikking) .

Informacion a ser duna un bez mas encuanto reglanan y vigilancia cu ta ser uza riba e calidad di nan trabow pa asina por garantisa seguridad den instalación di gas y un mihor servicio na e comunidad di Aruba.

E otorgamento a tuma lugar door di Chef Stoomwezen, Sr. Sylvio Werleman.

Tin un total di 9 Gasinstallateur registra pa aña 2023.

E register oficial di e instaladornan reconoci door di DTI pa 2023 ta obtenibel via email dti.gaskeuring@gmail.com, facebook y na balie di DTI.

Advertisements

A base di art. 2, 9 y 15 di gasbesluit AB 1992 no. 101 // AB 2005 no 72, tur instalacion di gas cu ta ser utiliza pa uzo comercial, mester wordo gekeurd door di DTI y pa esaki tuma lugar, tin un proceso cu mester wordo cana por medio di e instalador di gas cu ta riba e registro di DTI.

Tur restaurants, hotels, appartementen complex, laundry, food trucks y panaderia, y lo demás lugarnan cu tin un instalación di gas pa uzo comercial tin cu contact un di e instaladornan reconoci, riba lista, pa asina encamina e proceso di keuring door di DTI.

Sin un instalador di gas reconoci pa DTI e keuring no por tuma lugar.

Un instalación di gas cu wordo gekeurd lo ricibi un vergunning y su fecha di vencimento lo ta despues di 5 aña.

Esaki ta encera cu cada 5 aña un instalacion di gas tin cu wordo herkeurd.

Con bo por bin na remarca pa ta un instalador di gas reconoci?

Pa bin na remarca pa bira un instalador di gas reconoci e persona/ compania mester tin minimo un gewaarmerkte diploma MTS/EPI-werktuigbouwkunde of un diploma gelijkgesteld y lo mester entrega un petición cu CV por escrito, indicando cu e ta desea di ser reconoci como un instalador di gas. Despues di esaki lo sigi un interview cu e persona pa asina evalua su experiencianan den soldeer como loodgieter riba naadloos koperleiding, gladde stalen buizen y conocimento di e materia. Si acaso e persona ta certificá como fuser di tubonan di kunststof (bv PE – Polyethyleen) esaki lo ta un pluspunt.

Pa mas informacion por tuma contacto via e email dti.gaskeuring@gmail.com of Sylvio.Werleman@aruba.gov.aw

DTI ta gradici e instaladornan pa nan trabounan eherci durante e añanan anterior y tambe ta desea nan, tur clase di exito.

Esnan cu e aña aki ta riba e registro di instalador di gas reconoci door di DTI ta:

BEDRIJFSNAAM

NAAM INSTALLATEUR

Aruba Gas Supply Co., Ltd. (ARUGAS)

Adrien, Sandy I.

Aruba Gas Supply Co., Ltd. (ARUGAS)

Alias, Darrel S.

Bill Total Technic Service

Beeldsnijder, Herbert G.

Bopel Technical Services N.V.