Lider di AVP, mr. Mike Eman: SI POR ! AUMENTA E PENSIOEN PA NOS GRANDINAN !

“E cifranan ta papia pa nan mes. E dolor cu nos ta scucha di nos pensionadonan ta worde confirma pa e cifranan di CBS y SVB. Tanto e pensionado soltero como pareha ta core cu un deficit grandi tur luna”. Esaki ta locual lider di oposicion mr. Mike Eman, a expresa despues cu diferente parlamentario cu ta sostene e pensamento di gobierno aki, a expresa cu su proposicion lo no ta alcansabel.

Mr. Mike Eman ta bisa cu e gritonan aki “cu no por” no ta promer vez cu AVP ta scucha nan. Asina nan a bisa tambe, ora cu Henny Eman a bisa di lo redobla e pensioen. Pero e realidad di locual a worde logra mes a contradici nan pa semper: Henny Eman a redobla e pensioen.

Nos a tende e mesun cancionnan biew aki cu introduccion di un pensioen general no ta posibel, viebaansweg pa San Nicolas no ta posibel, cu e ringweg, awe Watty Vos Boulevard no ta posibel, kita medidanan no ta posibel, reparatietoeslag pa esnan di menos recurso, schoolkinderentoeslag pa famianan riba bijstand no ta realistico, pero un cos tur e cosnan idealnan akii tin e comun: nan ta pa e Pueblo y AVP a realisa nan. Ta hopi di e visionan progresivo aki, maera nos vision Green, cu a worde ataca cu e mesun disco raya di esnan cu ta purba di contraresta AVP, cu nos proposicionnan lo no ta realistico, hecho a prueba cu SI POR.

Esnan cu no kier mira e nececidad di pueblo ta un reaccion so nan conoce “cu no por”. Nan ta analysa mecanicamente, technocraticamente, burocarticamente sin envolvi vision, nececidad y responsabilidad. Asina nan ta yega na bisa nos pueblo cu no tin “con” pa haci esaki of esey. Asina nan ta yega na e decisionnan totalmente desconecta for di realidad, abstrahi di nececidad y compleatmente for di sla.

Eman ta bisa cu a yega momento oa wak promer kico e nececidad di pueblo ta. DICON mester duna un alivio, dicon mester aumenta bijstand, dicon mester introduci un schoolkinderentoeslag, dicon mester introduci un pensioen general, dicon mester drecha y renova, schoolnan, barionan, monumentonan y centronan di ciudad. Ora cu bo haci e analysis nan aki y mira e urgencia, sinti berdaderamente e dolor y nececidad, bo ta hacie bo tarea pa haya e “con” pa hacie.   

Eman ta accentua cu den su relato final pa anja 2022 CBS a duna di conoce cu un persona adulto mester di 2560 florin minimal pa luna pa un sobribencia digno. E pensioen di un soltero segun cifranan di SVB ta 1215 florin pa luna. Esaki kiermen cu un pensionado soltero cu ta biba su so ta core cu un deficit di 1345 florin pa luna.

Dos persona adulto, pues por ehempel un pareha pensionado mester, segun CBS, un entrada di 3840 pa luna. E pensioen di un pareha segun cifranan di SVB ta 2046 florin pa luna. Esey kiermen cu un pareha pensionado cu ta biba nan so ta core cu un deficit di 1794 florin pa luna. E lider di AVP, mr. Mike Eman ta bisa cu ta imposibel y inhusto pa laga e situacion penoso aki asina. “Pesey cuminsa habri boso wowo, boso consenshi y curason y mira e “dicon” anto pordice lo por haya e caminda “con” pa juda nos Pueblo y Pais, e lider di oposicion mr. Mike Eman a termina bisando