Tres homber adulto condena pa abusa di menornan

Diabierna mainta a haya culpabel tres homber adulto pa abuso di menornan di edad. Tur tres tabata pega cu e muchanan cu a abusa di nan.
Elvis Weert condena pa abuso di yiu muhe di su pareha. E tabata e padrastro di e mucha y a abusa di e confiansa aki y di e confiansa cu e mama di e mucha tabatin den dje. Abusa di e menor ora cu e tabata bay supermercado of otro caminda cune.
Dos otro denuncia hasi contra dje no a keda proba. Esta esun di e rumannan B., pa falta di prueba adicional y polisnan no a bay investiga of hasi investigashon na e cas, pa mira si con e denunciantenan ta describi por cuadra di e forma cu nan ta bisa.
Fiscal a pidi 12 aña y el a wordo castiga na 9 aña.
E docente di steelpan ta mesun situashon. Su victima tambe tabata den un rol vulnerabel cu e no por a hasi nada. El a forsa e mucha door di tapa su boca pa e no grita y reke na su man. Tambe e mes a admiti ora cu el a bai polis pa entrega su mes. Corte a bai di acuerdo cu e seis aña cu Fiscal a pidi.
Ultimo tabata Elton Geerman, kende tabata padrino di e mucha cu el a abusa di dje. E tabata wak pa e mucha ora cu e mama ta traha. El a abusa di su posicion di adulto. A mustra e mucha pornografía y a cuminsa mishi cune for di tempo di Kleuterschool.
El a haya un castigo di 9 aña.