Na juni lo sigi trata e caso di Asesinato di Sayuri Petronia

Den presencia di famia y amigonan Corte a cuminsa trata e caso di matamento di e hoben Sayuri Petronia di 19 aña.
E hecho aki a tuma luga dia 4 di juni aña den Flamboyantstraat, na cas di un di e acusadonan. E dos personanan cu a bai dilanti Hues tabata Zuriel Celaire, acusa den e caso ey pa posesión di arma di candela, y Izaak Principaal, como esun cu a los e tiro fatal.
Awo e versión cu a bini den Corte ta cu e sucedido tabata un accidente. E tiro a sali accidentalmente ora cu Izaak tabatin e arma den su man y pia di su stul a kibra. Door di e movecion inespera, su dede a hala e trekker y e bala a alcanza su amiga den cabes y a fayece di biaha.
A pospone tratamento pasobra Corte kier un raport di psychiatra riba tur dos hoben tin 18 aña. Tratamento di e caso di matamento ta sigi dia 3 di juni pa 8.30 di mainta.