Splicacion di sistema di BTW na negoshinan nobo

Tax Manager di Grant Thornton Aruba, Lance Henriquez, a duna un presentacion durante ATIA su siman di ‘start-up’. Riba diamars 22 di februari, e segundo dia ta tin como topico ‘Finance and accounting’. Grant Thornton Aruba a wordo invita pa comparti nan experticio riba e topico di impuesto. Y akinan Lance a duna un splicacion tocante e cambionan fiscal cu lo tuma lugar na 2023 na unda cu Aruba lo bai over na un sistema di BTW y kico negoshinan nobo y negoshinan en general tin cu tene cuenta cune. E meta di e actividad di ATIA ta pa brinda mas informacion na negoshinan nobo. Grant Thornton Aruba tin experiencia extenso cu e sistemanan indirecto di impuesto y ta contento di comparti esaki cu miembronan di comunidad.