Minister Maduro ta informa cu e URK1 2023 ta disponibel cu tur informacion di finansa publico di e prome kwartaal

E ta disponibel riba www.gobierno.aw

Cada kwartaal Minister di Finansa ta publica un ‘uitvoeringsrapportage’ (URK) den cual ta duna un bista amplio di tur informacion financiero di Pais Aruba. Den e URK por haya informacion riba e ehecucion di Presupuesto 2023 y ta duna un bista amplio riba entrada, gasto, debe, esfuerso pa baha gasto di personal, maneho financiero, estado di likides, etc…etc., y tur otro informacion relevante di finansa publico di Aruba. 

Tur kwartaal Minister di Finansa ta manda e URK pa Parlamento. CAFT tambe ta haya e URK pa asina nan duna nan opinion riba e raportahe. Parlamento tambe ta haya e conseho/opinion di CAFT pa por tin un bista completo di Aruba su finansa publico. E URK ta un documento publico y ta wordo publica riba www.gobierno.aw pa e informacion por ta accesibel pa tur hende.