En conexion cu nan celebracion di 60 aña di Tele Aruba
Aruba Bank a sorpresa nan cu diferente weganan di mesa
Oranjestad – 29 di september 2023 – Tele Aruba, e planta nacional di Aruba recientemente a celebra 60 aña di existencia, brindando produccionan di excelencia na e comunidad Arubano. E logro monumental aki ta un testimonio di e compromiso pa entrega contenido di calidad y keda na vanguardia den e tereno di media.
En conexion cu e celebracion aki, Aruba Bank, un partner balioso den e trayecto aki, a sorprende e famia di Tele Aruba cu un gesto di curason.
Cu e vision pa stimula creatividad y sigui motiva trabou di ekipo, Aruba Bank a regala generosamente empleadonan di Tele Aruba un seleccion di wega di mesa.
E weganan aki no solamente ta brinda un pausa bon mereci for di rutina diario, sino tambe ta sirbi pa inspira y motiva e ekipo dedica pa sigui innova den e excelencia pa por sigui transmiti.
Feliz 60 aniversario Tele Aruba, salud pa hopi mas!
