C.B. PIEDRA PLAT TA GRADICI TUR PARTICIPANTE CU A TUMA PARTI DI SU PROME RUN & WALK 5K
Oranjestad, Aruba – 10 October 2023 – Diasabra ultimo a tuma lugar e prome 5K Run & Walk di Centro di Bario Piedra Plat cu a wordo organisa cu sosten di CEDE Aruba y cu bon guia di IBISA Aruba. E Run & Walk 5K tawata tin como meta pa trece e bario di Piedra Plat hunto pa un atardi di actividad pa henter famia, y tambe encurasha canado y coredonan di competencia pa sigi move y participa den e caminata di 5K cu a pasa den areanan di Piedra Plat, Bloemond, Tamarijn y Sero Pita.
Un team di boluntario chikito a bin hunto pa C.B. Piedra Plat y a pone na pia un actividad grandi pa e bario despues di hopi tempo. Reflexionando na loke tabata e actividad aki, e team ta sumanente contento cu e reaccion di pueblo y pa a mira e registracion di participantenan cu a participa den e Run & Walk 5K. E tawata un evento cu a duna e team diferente perspectiva y tambe ta wak puntonan di mehoracion como organisacion. Y cu esey, e team ta contento di por a ricibi varios compliment di cual cada miebro cu ta forma parti di e comision, ta orguyoso di dje.
Nos kier a comparti untiki di kico a tuma lugar Diasabra atardi den Centro di Bario Piedra Plat.
Pa loke ta resultado di e caminata, mester bisa cu a haci un eror den e resultado door di diferencia di edad. Pues e resultadonan ta lo siguiente.
Categoria Masculino
· 1st place male: Christiaan Jansen
· 2nd place male: Richard Sotelo
· 3rd place male: Alrric Kock
Categoria Femenino
· 1st place female: Evie Adele Leonardo
· 2nd place female: Hannah Kamminga
· 3rd place female: Sharon Duijn
· 4th place female: Aaliyah Faruup
Mucha: Liomar Da Costa
E team di C.B. Piedra Plat kier a gradici tur partners y sponsors cu a yuda haci e actividad aki posibel aportando cu premionan pa e participantenan.