Comunicado di Prensa – Aruba Bank contento di por a premia tur ganador.

Colegio Nigel Matthew a organisa un exitoso torneo di futbol

Aruba Bank ta contento di por a premia e ekiponan ganador

Oranjestad – 25 di februari 2022 – Recientemente e alumnonan di examen klas havo 5 di Colegio Nigel Matthew na San Nicolas a organisa un tremendo torneo di futbol pa e scol.

Tur alumno por a forma parti di e torneo aki cu a tuma lugar durante luna di februari.

E torneo a conta cu un participacion grandi y hobenan hopi entusiasma a logra haci e actividad deportivo aki un exito total. E banco cu ta aporta na deporte en general, a forma parti di e actividad aki y ta contento di por a premia e ekiponan ganador.

Aruba Bank ta felicita e alumnonan cu a organisa e actividad, y tur cu a participa.