K9 UNIT A HAYA CURSO PA CONOCE CACHO MAS MIHO

Un siman di curso intensivo

MACUARIMA, ARUBA:  Recientemente personal di K-9 a sigui un curso intensivo di “ Basis theorie hoe honden leren”, duna pa inspector di polis di Korps Politie Curacao sr. Egidio Kook. Inspector Kook ta instructor di surveillance- en drugshonden.

E curso tabata tin un duracion di 1 siman. E personal di K-9 a haya e parti teoretico como tambe practico.

Na e entregamento di e certificadonan altocommisario di polis drs. Ramon Arnherm, comisario sra. Irma Gordon, hefe di scol pa polis E.J. Watty Vos sr. Eddy Ras y hefe di K-9 Unit sr. Dammers tabata presente pa e ocascion special aki.

Altocomisario a hiba palabra na unda e la complimenta e coleganan pa e iniciativa y disciplina cu nan a desplega den nan desaroyo como hondengeleider di K-9. Alabes ta gradeci colega altocomisario sr. Raymon Ellis di Korps Politie Curacao pa e bon cooperacion.

Sr. Kook a ser poni temporalmente na disposicion di Cuerpo Policial Aruba pa asina duna e coleganan e curso encuestion.

Total 6 colega di K-9 a ricibi nan certificado y awo ta tin mas conocimento pa cu hondengeleider.