Minister Dangui Oduber : BISHITA DI SCOL SECUNDARIO CEQUE, NOS FUTURO POLITICONAN
ORANJESTAD – Diahuebs mainta, studiantenan den examen klas di scol secundario Ceque acompaña pa nan maestro di geschiedenis, Meneer Croes a ricibi un cordial Bon Bini for di nos Minister di Turismo, sr. Dangui Oduber.
E grupo di studiante entusiasma a haya e oportunidad pa bishita oficina di Minister di Turismo y a haya un recorido por completo di Bestuurskantoor, Cocolishi y e un di e sala nan mas bieu cu hopi historia, esta e Oud Ministerraad Zaal.
Durante nan bishita, a tuma parti den discusion interactivo entre Minister Dangui Oduber y e Meneer Croes y su studiantenan. Nan a sinta den e sala di Oud Ministerraad, un sala cu hopi historia, na unda decisionnan importante a yega di tuma luga. Por ultimo e studiantenan a pasa y bishita e sala di Ministerraad nobo, esta e sala den Cocolishi, unda awendia nos Ministernan di Gabinete Wever-Croes 2 ta tuma e decisionnan importante & impactante pa nos pais Aruba.
E viahe educativo aki tin como meta pa inspira & educa mente hobennan tocante e trabounan interno di Gobierno. Tambe pa haya sa mas tocante procesonan di tuma decisionnan cu ta impacta e progreso di nos pais, Aruba.
Minister Danqui Oduber a expresa su entusiasmo di conoce e seguinte generacion di lidernan Arubano y a motiva e studiantenan pa ta curioso y pro activo den nan buskeda di conocemento di nos Parlamento y pa nan sigui cu nan studio pa crea un futuro mas briyante pa Aruba.
