BIESHEUVEL Y EMAN TA REPASA EXITONAN DI NAN COLOBORACION Y PLANAN PA FUTURO

Hans Biesheuvel a ricibi lider di fraccion AVP, mr. Mike Eman pa asina entercambia pensamento ariba varios tema di interes pa Aruba. Lider di fraccion di AVP, mr Mike Eman acompaña pa consehero di fraccion Wendrick Cicilia a realisa reunion cu director di Ondernemend Nederland cu a colabora cu Aruba pa realisa proyectonan importante manera Qredits pa Aruba durante  Gabinete Mike Eman I y II.

Lider di Fraccion di AVP mr. Mike Eman ta ariba un mision na Hulanda pa asina comparti cu personahenan publico importante na Hulanda, e proposicion di Fraccion di AVP pa asina instala un Sociaal Economische Culturele Plan Bureau pa Aruba pa pone ecomia di Aruba bek den contacto cu e realidad di retonan y oportunidad.

Hans Biesheuvel ta Director di Ondernemend Nederland, cu tin como meta representa y defende e interes nan di empresarionan mediano y chikito. Na aña 2000 Hans Biesheuvel a bira director di PGZ Internationaal y na 2011 a asumi encargo di ta Director di MKB Nederland. Desde 2013 Hans Biesheuvel ta voorzitter de Ondernemend Nederland y ta e voz di e empresario nan mediano y chikito na Hulanda. Hans Biesheuvel a crea un laso special cu Aruba, pa motibo cu e a identifca su mes cu e vision cu mr. Mike Eman tin pa Aruba ariba Sostenibilidad, Energia, Economia y Innovacion.

Hans Biesheuvel ta recorda e diferente misionan comercial di Reino Hulandes. Hans Biesheuvel ta recorda e vison di, mr. Mike Eman pa hasi di Aruba un “Hub” pa conecta Europa cu e mercado Latino Americano. “Esaki lo a crea hopi oportunidad pa empresa local na Aruba y Hulanda” asina Hans Biesheuvel a remarca. E colaboracion ariba aspecto nan economico tabata hopi fructifero Hans Biesheuvel a enfatisa.

Hans Biesheuvel a colabora intensivamente cu Aruba pa asina por habri Qcredits na Aruba, pa asina crea un oportunidad pa hopi empresario yega na financiamento pa nan ideanan. Hans a remarca e esfuerso intensivo di, mr. Mike Eman pa crea oportunidad economico pa Aruba den colaboracion cu Hulanda. Hans Biesheuvel ta corda e conferencia nan di “Europa meet Americas”, e mission comercial di Reino Hulandes na Brazil y e esfuerso nan pa prepara Aruba pa fungi como “Hub” entre Europa y Latino America.

Hans Biesheuvel a reconoce e vision di mr. Mike Eman cu a trece TNO Aruba, Rietveld Academie, scheepvaartsschool Rotterdam y varios instituto Hulandes na Aruba. Hans Biesheuvel a subraya cu relacionan den Reino Hulandes basa ariba cooperacion ta un fundeshi solido pa asina crea oportunidad pa diversificacion economico pa Aruba.

Mr. Mike Eman a presenta e proposicion pa institui un SCPB pa Aruba cu meta pa soluciona e disconecion cu tin na e momento aki entre Gobernacion di Pais Aruba y e realidad socio-economico di nos cuidadanonan y empresario nan. E vision aki di “brede welvaart” ta hayando hopi sosten na Den Haag, Hulanda.