Lider di Fraccion di MEP, Hendrik Tevreden: Parlamentarionan di Eerste Kamer un biaha mas cu critica pisa contra gobierno Hulandes relaciona cu trato pa cu Aruba

ORANJESTAD, Aruba 06 November 2023: Lider di Fraccion di MEP, Parlamentario Hendrik Tevreden ta indica cu por tuma nota cu un biaha mas Eerste Kamer ta lansa criticanan fuerte contra gobierno Hulandes. Esaki relaciona cu e trato pa cu Aruba. Frapante ta cu tin parlamentarionan local enbes di para cu Aruba, nan ta colga na bachi di Gobierno Hulandes den e situacion aki.

Partidonan Volt, Groen Links y PvdA den Eerste Kamer tin dificultad pa acepta cu Gobierno di Aruba ta haya interes halto pa motibo cu no kier regla Supervision Financiero den un Rijkswet (Ley di Reino).

“Een stap in de verkeerde richting. Ik vind dat teleurstellend”, aldus Eerste Kammerlid Eddy Hartog (Volt) tijdens de algemene politieke beschouwingen. Hij kreeg bijval van Fer Crone (GL/PvdA): “Waarom moet dit nou strak?”.

Nan ta considera cu esaki ta e direccion robes. Banda di esaki e Parlamentarionan ta haya esaki algo decepcionante. Tur dos Parlamentario Hulandes ta considera e forma cu e gabinete Hulandes ta ‘castigando’ e paisnan cu un ‘strafrente’ pa no bisa sin a e ley di Reino algo no apropia den Reino Hulandes. Esaki ta bay contra e spirito di articulo 36 di Statuto.

Ta asina cu si Aruba haya interes halto di Hulanda cu esaki lo pisa riba e presupuesto di Aruba. Y esaki e Parlamentario Hulandes sr. Crone (Groenlinks – PvdA) no ta haya husto y ta boga pa interes di 3% o 3,6% pa Aruba. Te hasta un mocion a keda entrega di parti di e Parlamentarionan Hartog y Crone caminda nan ta pidi nan gobierno pa opta pa uza e maneranan mas constructivo pa logra un bon gestion financiero den Reino Hulandes, cu no ta trece cu ne un reduccion di e margen financiero di e paisnan receptor, ni di banda di e gastonan ni di banda di e entradanan.

E mocion ta bisa: “Motie Hartog/Crone – verzoekt de regering om te kiezen voor constructievere manieren om goed financieel beheer binnen het Koninkrijk te bewerkstellingen, die niet tot beperking van de financiële ruimte voor de ontvangende landen leiden, via de uitgaven dan wel de inkomstenkant, en gaat over tot de orde van de dag”.

Parlamentario Tevreden ta indica cu sigur e lo amplia mas riba e debate aki cu a tuma lugar de Eerste Kamer y lo ta pendiente riba kico e votacion final lo bira e siman aki. Eerste Kamer y Tweede Kamer Hulandes a cuminsa comprende mas y mas cu e normanan presenta den RAft sigur ta uno cu lo limita Aruba, y mirando cu Aruba tin surplus pa 2023 y 2024 y ta manteniendo e palabracionnan financiero cu a wordo haci e strafrente aki no ta corecto.