RE-ENCUENTRO EMAN Y BALKENENDE PA METANAN NOBO PA ARUBA
E sinergia tabata di imediato manera tempo cu dos colega Premier a topa otro pa reflecciona hunto riba temanan importante pa comunidad. Asina por a sinti e energía positivo di e re-encuentro awe entre Eman y Balkenende den e headquarters di Ernst & Young na Rotterdam.
RE-ENCUENTRO RIBA TEMANAN NOBO
Jan Peter Balkenende a duna hopi sosten na Mike Eman y Aruba den e anjnan cu e tabata Minister President di Hulanda y tambe depues den e realisacion di e vision di Gabinete Mike Eman pa haci Aruba un cede di establecimento di companinan Hulandes manera TNO, Scheepvaartschool Rotterdam, Port Amsterdam, Rietveld academie y mas. Tambe e actual Minister di Estado, Jan Peter Balkenende a duna hopi apoyo na e vision Green cu Eman tabata empuhando pa Aruba.
Jan Peter Balkenede a expresa awe cu ta cu hopi placer a ta ricibi lider di fraccion di AVP mr.Mike Eman pa asina sostene combersacion ariba temanan nobo importante pa Aruba. Jean Peter Balkenende ta remarca “cu hopi satisfacion mi ta reuni cu mi amigo, y ta balora e contacto cu Mike Eman”. Jan Peter Balkenende a keda contento pa scucha e proposicion di lider di Fraccion di AVP pa instui un Sociaal-Economisch Cultureel Plan Bureau pa Aruba. Jan Peter Balkenende ta di opinion cu e idea aki ta hopi bon pa Aruba y cu Hulanda tin hopi bon experencia cu un institucion manera SCP. E ta importante pa monitoria e desaroyo social-economico di nos Pais y Comunidad. Jan Peter Balkenende a indica cu un Sociaal-Economisch Cultureel Plan Bureau ta duna un bista den e desaroyo social, financiero y economico di nos comunidad y di nos hendenan.
CONVERTI DEBE DEN FONDO DI INVERSION
Jan Peter Balkenende a combersa tambe cu mr. Mike Eman ariba un alternativa pa e disputa tocante e pago di e debenan hasi cu Hulanda durante e temporada di Pandemia.
Mr. Mike Eman a presenta na Hulanda un alternativa pa e pagonan cu Aruba lo efectua pa esakinan wordo aloca den un fondo di inversion pa Aruba, cu lo wordo maneha independientemente pa asina inverti den desaroyo positivo di Aruba. Jan Peter Balkenende a remarca cu e pensamento nan di mr. Mike Eman ta “een nieuw en creatief manier om na te denken over financieel vraagstukken”. Asina e lider di oposicion ta creando conocemento y empuhando sosten pa e concepto aki den tur cuadranan di decision y influencia na Den Haag. Un Fondo di Inversion asina lo garantisa inversionnan necesario na Aruba pa hopi anja.
AMISTAD CREA A BASE DI VISION COMPARTI
Mr. Mike Eman mes ta mira Jan Peter Balkenende como amigo y inspirador pa e temanan cu Eman ta considera importante. “Tempo cu mi a sinja conoce Jan Peter Balkende inicialmente mi tabata den oposicion y e tabata Promer Minister, pero nos a topa otro riba un vision comparti, nos ideologia social-cristian. Den esaki e rol di comunitarismo, den crea sociedadnan mas uni y solidario ta esencial. E guia ta e bon comun cu nos tur mester enfoca riba dje y basa riba e forza di stimacion di prohimo, Eman ta accentua.
Balkenende tambe ta mira e ideologia comparti como e base di e amistad duradero cu e tin cu Eman y e ta agrega: “Hij is overal Welkom, men mag Mike Eman wij zien ook dat hij heel veel toeleeft bij politici in Nederland, Hij is zeer actief heeft veel afspraken en het manier waarop hij wordt ontvangen, zegt heel veel over het gezag van Mike Eman”.
