GERENCIA DI WATER- EN ENERGIEBEDRIJF ARUBA (W.E.B.) N.V. TADISTANCIA DI PUBLICACION DI VWI

ORANJESTAD – Gerencia di Water- en Energiebedrijf Aruba (W.E.B.) ta distancia di cierto expresionnan
haci den e comunicado di prensa di e directiva di VWI cu fecha 02 november 2023. A pesar cu nos ta
respeta e derechonan di VWI pa expresa nan mes, motibo pa kico nos ta distancia ta cu e
expresionnan aki ta den incumplimento cu W.E.B. Aruba N.V. su codigo di conducta y esey ta
inaceptabel.
Nos codigo di conducta ta prescribi entre otro:

• Respet pa otronan;
• Comportacion na un manera profesional;
• Pa no pinta negativo tercer partidonan y clientenan di W.E.B. Aruba N.V.;
• Pa no transmiti mensahenan di intimidacion;
• Un responsabilidad serio pa un bon relacion publico di WEB;
• Ora empleadonan di WEB ta atende cu un persona pafor di WEB, incluso dignatarionan, mester
  percura cu no ta compromete e integridad of mancha e reputacion di sea WEB, of cualkier
  individuo externo, negoshi of gobierno.
  Gerencia ta para pa un W.E.B. Aruba N.V., un compania estatal, cu ta sirbi e comunidad di Aruba na un
  manera constructivo, cooperativo y semper profesional y den union.
  Semper por tin diferencia di opinionnan, Gerencia ta para pa semper W.E.B. Aruba N.V. busca e dialogo y
  solucionnan semper na mesa pa sirbi como un bon ehempel pa nos pais Aruba.
  Expresionnan comprometedor riba institutonan, personanan, companianan y nos accionista/Gobierno
  no tin lugar den e normanan y balornan, nos codigo di conducta y liderazgo desea di W.E.B. Aruba N.V.
  Cada empleado di W.E.B. Aruba N.V. ta responsabel pa traha na un W.E.B. Aruba N.V. den union y
  harmonia unda e ta sinti su mes sigur, respeta, motiva, bon atendi y percura pa su coleganan tambe ta sinti mes cos.