Minister Endy Croes: E APERTURA DI OPEN BEACH TENNIS 2023 TA DIADOMINGO, 12 DI NOVEMBER NA EX BUSHIRI BEACH HOTEL
E di diestres (13) edicion di Aruba Open Beach Tennis ta inicia 12 di november y ta culmina 19 di november proximo.
Diahuebs atardi, durante conferencia di prensa Minister di Enseรฑansa y Deporte Endy Croes hunto cu e organisado di e tremendo torneo internacional Aruba Open Beach Tennis, Sr. Sjoerd de Vries a anuncia cu e di diestres (13) edicion di Aruba Open Beach Tennis ta inicia 12 di november y ta culmina 19 di november proximo. Tambe presente den e ocasion aki tabata Sra. Tita Iglesias di Aruba Tourism Authority (ATA), representante di Caribbean Mercantile Bank (CMB) Sr. Ilรกn Lopez y atleta local Sra. Maria Buuts y Sr. Wayne Tromp. Aruba Open Beach Tennis ta e torneo deportivo di mas grandi di Aruba y ta patrocina pa Aruba Tourism Authority (ATA) cu ayudo di Gobierno di Aruba, diferente departamento di gobierno y stakeholder cu ta contribui pa haci e torneo aki posibel. E evento ta premira di ta hopi grandi, cu alrededor di 1200 atleta participando di 40 diferente pais y un total di 70 mil US$ na premio. Tambe, lo tin un grupo di referee profesional di Italia na Aruba pa dirigi e torneo aki. E aรฑa aki a traha un tribuna mas grandi, unda por aloca mas di 700 hende. Tin un total di 36 cancha y ta spera di tin rond di 3 mil partido di diferente categoria, entre otro, pro, avansa, intermedio y principiante. Minister Endy Croes ta felicita Sr. Sjoerd de Vries, ATA, tur stakeholder y Gobierno di Aruba cu a contribui den gran evento deportivo aki. Pueblo di Aruba ta cordialmente invita pa bin apoya nos atletanan durante e siman di torneo di Aruba Open Beach Tennis 2023. Minister Endy Croes ta desea tur atleta hopi exito! Cu deseo, disciplina, dedicacion y determinacion ta logra.
