Minister Rocco Tjon: A REUNI CU DIRECTORA DI UNESCO SU OFICINA PA CARIBE SRA. ANNA PAOLINA
PARIS – Minister di Husticia y Asuntonan Social sr. Rocco Tjon tawata presente durante e youth forum di UNESCO, hunto cu Aruba su secretario general pa loke ta e comicion nacional di Unesco, sra. mr. drs. Marushka Lee-Tromp y Aruba su “youth representative” Arielle Gil, caminda a reuni cu e directora di UNESCO pa e oficina di Caribe, sra. Anna Paolini.
Durante e reunion aki a toca diferente programa cu UNESCO ta ofrece y por brinda na Aruba. Aki ta trata di programanan cu ta enfoca riba “peace building” y “changing mentalities”.
Un reunion sumamente positivo, den cual a palabra cu e directora sra. Anna Paolini, cu otro aña lo bay brinda dos proyecto pa Aruba.
E prome proyecto lo enfoka riba “peace building” den nos scolnan, specificamente un programa cu ta toca agresion na scol. E otro programa lo enfoka riba crea mas conscientisacion den nos comunidad pa loke ta violencia domestico.
Aki dos siman, e preparacionnan lo inicia cu UNESCO pa planifica e programanan menciona na 2024.
