Belastingdiensten vinden elkaar in tweedaagsewerkseminar

Den Haag / Kralendijk – Recientemente representante di Servicio di Impuesto di
Aruba, Corsou, Sint Maarten y pa e islanan di Hulanda Caribense a bini hunto pa
intercambio di conocemento den un seminario di trabou. E seminario di trabou aki
ta un evento conhunto di Tijdelijke Werkorganisatie (TWO) y Belastingdienst
Caribisch Nederland (BCN). Meta di e seminario di trabou tabata pa comparti
progreso, exito y obstaculo den desaroyo di e Servicio di Impuesto y pa stimula
colaboracion. Ademas, diferente participante a haña e oportunidad pa conoce otro
personalmente.

E seminario a keda habri pa Claudia Toet, director di BCN: “Nos ta warda cu
entusiasmo pa conoce otro. Kico nos tin mester y unda nos por fortifica otro? Nos
tin e mesun ciudadanonan y companianan den nos registro, ey nos tin mester di
otro.” Arjen Alberts, den e TWO lider di proyecto di Impuesto pa Landspakket di
Aruba, Corsou y Sint Maarten: “Cu esaki nos ta duna contenido na un parti di e
Landspakket. Nos kier duna cooperacion mutuo un impulso nobo, pa conoce otro
atrobe.”
Cada pais a haya oportunidad pa duna un presentacion tocante e desaroyonan y
necesidadnan di su servicio di impuesto. Asina, Aruba por a mustra con nan a logra,
entre otro, implementa un sistema integra cu exito, caminda no solamente tur
declaracion completo a keda digitalisa, pero tambe e proceso di pago digital di
cliente a keda automatisa. E implementacion tecnico di reforma fiscal reciente por
a keda sostene digitalmente cu, entre otro, un conexion directo cu e sistema di
Asycuda di servicio di Duana. E plannan pa e añanan benidero tambe a keda trata, y
a keda para keto na e retonan cu digitalisacion ta trece cu ne, manera seguridad di
informacion y accesibilidad di e organisacion pa por yuda miho cu e necesidadnan
di nan clientenan.

Servicio di Impuesto di Corsou ta den un movemento enorme. Varios mehoracion a
keda ehecuta caba y den e añanan benidero ainda tin diferente desaroyo den
tapara. Ta pone na uzo diferente herment pa asina e personal por enfoca mas riba
pregunta relaciona cu contenido enbes di asunto administrativo. E proyectonan
ehecuta ta enfoca riba prevension di fout, subi efectividad y realisa mehoracion
structural.
Na Sint Maarten a cuminsa e preparacionnan for di 2022 pa modernisacion di e
infrastructura di IT cu ta anticua. Servicio di Impuesto ta confronta problema di
falta di personal. Den e Landspakket ta pone hopi atencion na esaki y ta pone
disponibel e medionan necesario pa reforma e Servicio di Impuesto y pa mehora e
servicio na cliente.
Desde 10-10-10 Servicio di Impuesto CN a coy un rumbo completamente nobo.
Pensa riba legislacion fiscal, responsabilidad administrativo y un structura nobo.
Durante e 13 añanan cu a pasa e organisacion a keda den desaroyo continuo, tanto
organisatoriamente, tecnologicamente como den ofrece servicio. E organisacion a
bay di hopi papel pa un sistema casi completamente digital, ingreso a subi y e
procesonan ta bira miho alinia.
E presentacionan di e paisnan a mustra cuanto aspecto en comun tin den nan
retonan. Pensa riba digitalisacion y siguridad di sistema, empleo di personal adecua
y e cambio di ‘lessons learned’. Ey mes a cuminsa e prome pasonan pa busca otro,
incluyendo reunion di grupo di trabou, oportunidad di educacion y intercambio di
experencia pa por fortifica otro.
TWO ta wak bek cu satisfaccion na e prome seminario di trabou aki di e Servicio di
Impuesto y ta keda duna sosten door di Landspakketnan pa modernisacion di e
Servicio di Impuesto di Aruba, Corsou y Sint Maarten.