Siman di Lantamento di Mucha y Dia Internacional di Derecho di Mucha
18 november Carnaval Village
Comicion Vision Pedagogico consistiendo di diferente instancia trahando ariba tereno di lantamento di Mucha manera: Tienda di educacion, Fundacion Respetami, Fundacion pa Nos Muchanan, Wit Gele Kruis y Departamento Asunto Social conhuntamento cu Ministerio di Justicia y Asunto Social y Comicion Derechonan di mucha ta organisando pa di 6 aรฑa e Siman di Lantamento di Mucha combina cu e Celebracion di Dia Internacional di Derecho di Mucha. Durante e siman aki tin diferente aktividadnan di diferente organisacion cu por wak mira e kalender.
Nos kier duna atencion e aรฑa na e articulo nr 31 di Derechonan di Mucha, cual ta pone enfasis ariba e derecho di muchanan pa tin tempo liber y di por tin tempo pa hunga ariba un forma recreativo. Pa medio di nos aktividad nos kier stimula e hungamento sano y pafor pa tur muchanan.
Nos kier hasi un invitacion na henter comunidad, vooral nos muchanan pa bin celebra:
- Diasabra 18 di November
- Carnaval Village na Sanicolas
- E orario ta di : 3or di atardi pa 7or di anochi
Lo tin diferente aktividad :
- Dino jumps, Carousel, Roulette,
- Rollerskating, Hotwheels, diferente weganan, RFacepainting
- Free popcorn, raspao y cotton candy pa tur muchanan cu jega tempran
- Lo tin show di grupo di baile Dazzling group, un grupo di karate y tambe show di cacho Fluffy Paws.
E aktividad aki lo ta combina cu e marcha di nos muchanan, โMarcha pa nos derechoโ cu lo sali 3or di atardi for di YMCA SN y lo kana den e kajanan di SN y termina na Carnaval Village.
Diferente instancianan di e Comicion Vision Pedagogico lo tey pa combersa y ofrece sosten na mayornan cu cualkier pregunta ariba tereno di lantamento di mucha. E kiosknan di Carnaval Village lo tin nan dushi kumindanan na benta pa tur e mayornan.
Nos kier gradici Cede Aruba, Departamento Asunto Social yย gobierno di Aruba pa sostene e celebracion aki. Nos ta invita e comunidad en general especial nos muchanan pa bin celebra e Dia di mucha aki! Pa mas informacion pa participa por jama Centro pa Hoben y Famia na 5281200.
