PDP: Hobennan y muchanan merece unbos berdadero, miho proteccion y masoportunidad

Awe 16 di november 2023 PDP a haci entrega di 2 LOB-verzoek y alabes a dirigi 1 carta pa
Parlamento y Gobierno di Aruba.
Den nos punto di bista politica mester ta uno constructivo, pa es motibo aki nos ta kere cu nos no
mester solamente criticia y cuestiona gobierno. Awe gobierno di sra. Wever-Croes II ta bay haci
mas cu 2 aña den gobernacion. Nos kier brinda gobierno un espacio pa por responsabilisa su
maneho prome cu nos por bay over na cuestiona mas profundo.
Derechonan di Mucha
Na 2001 na Aruba e tratado di derechonan di mucha a drenta na vigor, awe mas cu 22 aña mi ta
di opinion cu falta hopi mas pa wordo haci. Tin ainda sierto protocolnan cu na Aruba nos no a
pidi medegelding p’e, mientras cu na Hulanda esakinan si a drenta na vigor. E punto di salida ta
cu e vision cu mi ta para pe, ta pa representa e bos di hobennan y tambe lucha pa muchanan ta
miho protehi.
Recien nos por mira cu ainda tin hopi caso di abuso sexual y pa ami esaki ta un señal cu nos tin
cu haci hopi mas como Gobierno y Parlamento pa por sigura e proteccion di nos muchanan. Pa
es motibo nos a peticiona na e comision di mucha y Minister di Asuntonan social tur documento
relaciona cu e trabaonan cu a wordo ehecuta. Tambe ta importante pa nos wak si tin consehonan
of recomendacionnan para pa asina nos por studia esaki miho.
Por ultimo, nos ta spera cu minister Tjon por cumpli cu e transparencia cu kabinete Wever-Croes
a priminti durante e campaña electoral di 2017 y 2021. Nos ta kere e ta importante tambe pa nos
por papia ariba e posicion di hobennan y e falta di actividadnan pa asina nos hobenan por recrea
nan mes sano y sigur.
Abuso Sexual
Durante un programa di noticiero e siman aki mi a cuestiona e comision di abuso sexual cu a
keda institui pa haci un investigacion nacional. Mi a cuestiona e comision y a logra haya
comunicacion cu Sr. Lisette Gomes, mi ta spera cu e combersacion cu e comision lo por ta uno
positivo unda cu lo por bin mas claridad regardando e topico aki.
Sinembargo locual nos ta cuestiona ta e hecho cu nos Minister di Asuntonan Social no ta raporta
na Parlamento e desaroyonan di e solucionnan cu e comision a presenta.
Nos pasonan
Nos a entrega un peticion na Parlamento pa por recibi e contestacion di Gemeenschappelijk Hof
van Justitie, a keda peticiona pa jama e jueznan pa splice e “orientatie punten” regardando e straf
di “zedendelicten”. Locual pa nos ta importante ta pa trata e topico aki cu seriedad. Nos ta
applaudi gobierno pa e creacion di un ‘family justify center’. Ademas e team cu a traha riba e ley
di kinderopvang a haci un hopi bon trabao, pero nos ta sinti cu un tiki mas mester keda haci:

1. Nos ta propone pa bin cu un ekpo multi-disciplinario cu por asisti e mucha na momento
   cu un sucedido pasa y cu e mucha no mester rebiba e trauma.
2. Nos ta pensa cu riba e topico di prueba mester hiba un conversacion cu Openbare
   Ministerie pa wak con miho nos por juda cu tin pruebanan mas solido y concreto cu por
   hiba na un straf mas halto.
3. Tambe e ajudo y asistencia di psycholoog pa e personanan cu a comete e actonan aki ta
   un necesidad cu nos ta boga pele.
   Nos proposicionan
   Nos ta kere firmemente cu mester bin cu un fondo nacional pa asina por inverti den proteccion di
   mucha y participacion di hubentud. Nos kier inverti den un programma pa e kinderopvang por ta
   parcialmente cubri door di gobierno, stimula companianan pa tin un systema unda nan
   empleadonan por tin un ‘day care centrum’ y tambe haci school te 4or di atardi pero cu
   programanan educativo enfokando ariba e desaroyo personal y preparacion di nos hobenan. Nos
   ta boga pa bin cu un jeugdverordening cu ta regla sierto aspectonan di e tratado international di
   derechonan di mucha den un ley nacional y haci mas accesibel pa muchanan por haya un
   pscyholoog y por papia cu un persona. E accesibilidad na cuido di salud mental ta un punto
   sumamente importante pa PDP.
   Aruba mi ta sinti positivo cu e politica cu nos ta hibando ta uno cu abo por sintibo bo na cas.
   Pesey nos ta cada biaha cu pasonan sigur demonstrabo cu nos ta preparando nos mes pa drenta
   Parlamento y goberna. Cu abo como votador por tin e confiansa durante e eleccion di 2025, cu
   nos ta e alternativa. Un politica unda participacion, dialogo y solucion ta e pillarnan fundamental
   cu POLITIEA ta pa kere y para firme den nos sapato pele.