Black Friday Sale di Romeo Santos Concert a cuminsa!
A peticion di hopi fanaticonan e organisacion di e concierto di mas grandi pa e aรฑa aki den Caribe a dicidi di pone un ‘Black Friday Special’. Esaki lo ta valido solamente awe diabierna 24 di november 2023. E concierto mes lo ta diasabra 9 di December 2023 den Harbor Arena cu presentacion di e rey di bachata Romeo Santos hunto cu Jeon y Banda.
E special pa ‘Black Friday’ lo ta riba e seccion di ‘VIP Standing’ y tambe di e seccion general. E prijs pa ‘Standing VIP’ pa e ‘special’ ta solamente 350 florin pa persona pa e promer 100 persona. Pa e seccion general e prijs lo ta di 135 florin. Mester menciona cu esaki ta un ‘special’ hopi atractivo mirando cu na e tur punto di benta e prijs actualmente ta 400 florin y 175 for. Importante pa informa ta cu e ‘Black Friday Special’ ta obtenibel solamente na e Pop Up Store di Romeo Santos. E pop up store ta situa den Weststraat net abou di The Venue ( Na final di e caya ). E ‘special’ a cuminsa 12 or di merdia y lo sigi te cu 8 or pm tanten cu tin den stock.
Ademas di e tremendo oportunidad di haya e ticket na un prijs mas atractivo, cada fanatico ta haya e chens di gana premio. Na e pop up store lo tin un tombola unda cu ora cu bo cumpra un ticket (tanten cu tin den tombola) bo ta hinca bo man y bo por gana premionan. Algun di e premionan ta ticket upgrade, weekend stays, tokens pa gasta na bar di e evento, car pass, productonan di Balashi Brouwerij, Wendy’s, Domino’s Pizza, Trip riba catamaran, certificado di Craft / Lola’s, voucher di gasolin, Merchandise di Elite, Voucher di On the rocks, Voucher di Stash Barbershop y hopi mas. Pues hasi uzo di e tremendo pportunidad aki solamente awe diabierna.
Pa esnan cu ta interesa den mesa VIP, e organisacion a informa cu a logra di acomoda algun mesa adicional. Esaki ta den e seccion di ‘Gold VIP’ y tambe ‘Silver VIP’. Pa esaki por bishita e Pop Up Store of contact via telefon +2975693005
Romeo Santos Concert ta un presentacion di Aruba Tourism Authority, Elite Empire Entertainment & Elite Productions – MASQ LIVE – Aruba Airport Authority -Setar/Pay.aw – Brouwerij Nacional Balashi – Bacardi – Coca Cola, Dewars, Chill Wendy’s – CMB. Un danki tambe na tur otro partners cu ta haci e ‘Black Friday Special’ aki posibel.
