ENTREGA DI PREMIO DI PARTI STICTHING MUSICA Y BAN SERIO
Durante e Soca Prefinals di Aruba Caiso & Soca Monarch (ACSM), Stichting Musica a urgi tur hende pa Ban Serio,pa un Aruba limpi!
Stichting Musica ta orguyoso di tin โBan Serioโ como un patrocinado di e festival. Ambos organisacion ta
trahando hunto pa trece solucionnan sostenibel na e festival, poniendo nos medio ambiente y seguridad como prioridad. Di e forma aki Ban Serio ta aporta na cultura di Aruba y na mes momento ta stimula tur esnan cu ta amante di Soca y Calypso pa ta mas consciente riba nan forma di anda cu desperdicio durante e festival y en general.
E ACSM Soca Prefinalstabata yena cu ambiente pa ambos esnan presente y televidentenan. E team di produccion tras di e Soca Prefinals a inclui elementonan interactivo, pa entretene e televidente y publico presente durante di cambio di banda y tambe pa amplia nan conocemento di e festival.
Den cuadro di esaki, Ban Serio a distribui premio pa e fanaticonan cu tabata den publico na The Venue. E
audiencia a comparti nan compromiso pa contribui na un miho ambiente pa Aruba y asina por a ricibi un bunita pakete di Ban Serio.
Tambe, a duna oportunidad pa esnan na cas participa via un Whatsapp Campaign y riba diabierna, 24 di
november e premionan a wordo reparti na e ganadornan cu a wordo selecta eletronicamente. Den un ambiente sumamente ameno, e ganadornan a drenta den e ola di positivismo di Ban Serio y a keda impresiona cu e tremendo Carnival Package cu nan a gana. E reusable cooler bag y cups duradero di Ban Serio sigur lo yuda e personanan aki pa disminui nan uzo di plastic y materialnan di un solo uzo durante e temporada di Carnaval.
Tur hende a keda masha contento y Stichting Musica ta gradici Ban Serio pa e bunita cooperacion na caminda pa e anochinan final di ACSM cu lo tuma lugar riba di 26 y 27 di januari 2024 na Carnival Village.
