TRABOU INTENSIVO A CUMINSA PA E PRODUCCION DI ROMEO SANTOS SU CONCIERTO

For di algun dia caba por a nota cu tin bastante movecion na Harbor Arena unda cu e concierto di e artista Romeo Santos lo tuma lugar. Esaki ta programa pa otro siman diasabra dia 9 di December 2023. E concierto aki ta halando hopi atencion no solamente na Aruba pero tambe na mas di 10 diferente pais. Elite Empire Entertainment a confirma esaki abase di benta di ticket internacional cu a bini for e.o. Curacao, Colombia, Merca, Hulanda, Peru, Chile, Islanan BES, Surnam y otronan.

Pa por cumpli cu tur e rekisitonan di e rey di bachata tin un ekipo di profesional tanto local como internacional cu ta trahando riba e produccion pa e concierto. E concierto aki su nivel di produccion ta esun di mas grandi cu Aruba a yega di experencia. Tanto pa loke ta stage, iluminicacion, sonido y efectonan special, tur persona cu atende e festival lo nota cu ta trata di algo fuera di lo normal. Un ekipo di riba 100 persona den loke ta sonido, logistica y seguridad lo percura pa un anochi magico cu Romeo Santos na Aruba. Naturalmente e anuncio recien cu e artista local Jeon hunto cu su banda tambe lo tey a laga fanaticonan hopi contento.

Na e momentonan aki e tecniconan ta kedando cla cu e structura principal di e stage mientras cu varios container ta yegando cu diferente ekipo pa por instala esaki. Naturalmente lo instala e areanan di VIP cual porcierto ta bendi pa mas di 90%, e barnan y otro area manera ‘backstage’

Mirando e exito di benta di carchi, por confirma cu e evento aki lo conta cu presencia di miles di persona local y turista. Importante pa informa na esnan cu ainda no a cumpra nan carchi, pa nan haci esaki mas pronto posibel mirando e capacidad den cada seccion. Tambe por a compronde cu for di exterior tambe ainda tin bastante benta di ticket ta tumando lugar. Por cumpra ticket na Paradera Gas Station, Cura Cabai Gas Station, Pop Up Store na The Venue (Weststraat), Pay.aw of via www.eventbrite.com

Pa esnan cu ta interesa den mesa VIP, e organisacion a informa cu a logra di acomoda algun mesa adicional. Esaki ta den e seccion di ‘Gold VIP’ y tambe ‘Silver VIP’. Pa esaki por bishita e Pop Up Store of contact via telefon +2975693005

Romeo Santos Concert ta un presentacion di Aruba Tourism Authority, Elite Empire Entertainment & Elite Productions – MASQ LIVE  – Aruba Airport Authority  -Setar/Pay.aw – Brouwerij Nacional Balashi – Bacardi – Coca Cola, Dewars, Chill Wendy’s – CMB