EMAN TA CONTEMPLA CU ‘DENKER DES VADERLANDS’

Dia 7 di december e lider di oposicion y exPromer mr. Minister Mike Eman ta duna un lectura riba su refleccion pa cambionan pa Aruba, entre cual creacion di institutonan manera un Sociaal Economisch Cultureel Planbureaa. Den preparacion pa e refleccion aki, conecta na e tema di un vision nobo pa Aruba basa riba “The Common Good” e bon comun e lider di AVP, mr. Eman tabata tin un momento di refleccion profundo cu e Denker des Vaderlands di Hulanda pa e periodo 2021 – 2023, Profesor Paul van Tongeren.

DENKER DES VADERLANDS PROFESOR PAUL VAN TONGEREN

“Denker des Vaderlands” ta un titulo honorario, un titulo cu ta wordo otorga na un filosofo Hulandes. E filosofo aki a base regular ta wordo invita pa den publico (publicamente) pa comparti su vision riba temanan social cu ta den actualidad. E Pensado di Pais ta fungi como un  intelectual publico cu ta capas pa haci ideanan filosofico accesibel pa un publico mas grandi cu por refleha esaki riba pregunta y retonan dilanti cualnan e comunidad ta para.

E rol aki ta comparabel cu esun di un “Public Intellectual” den otro paisnan, unda e idea ta cu filosofo y pensadonan ta aporta cu un contribucion balioso na debatenan publico, y yuda cu discusionnan pofundo stimula balornan manera etica, politica, cultura y otro tema.

E nombracion di e Pensado di e Pais normalmente ta wordo haci pa un periodo y varios filosofonan a haya e honor aki desde cu a lanta e fundacion na Hulanda.  Filosofo Paul van Tongeren, Denker des Vaderland (2021-2023) tabata profesor den Ethica Filosofico na Nijmegen, Leiden y Leuven. Banda di su trabou academico, Van Tongeren ta ocupa su mes pa mas di 20 aña intensivamente cu filosofia publico. El a publica mas di diez buki popular a base  di su interesnan mas grandi: etica di virtud di Aristoteles y filosofia di Nietzsches encuanto nihilismo. Na 2013 el a gana e copa di Socrates cu e buki “Leven is een kunst” e buki mas urgente y mas original pa loke ta un buki filosofico Hulandes. E buki aki a aparece na 2020 na Ingles na Bloomsbury (mira su lista di buki). Desde 2005 Van Tongeren ta miembro di e Filosofisch team  di Trouw. Eman ta hopi facina tambe cu e buki di van Tongeren di 2021 cu yama “Doodgewone vrienden, nadenken over vriendschap”. Durante nan combersacion van Tongeren a autografa e buki aki tambe pa Eman.

COMMON GOOD HET GEMEENSCHAPPELIJK GOED

Den nan contemplacion Eman a reflecciona hopi cu van Tongren riba con por desaroya un vision hunto cu pueblo pa un pais basa riba e punto di guia, The Common Good” het “Gemeenschappelijk Goed”. Van Tongeren ta hopi convenci cu un comunidad chiquito manera Aruba por ta un lugar ideaal pa haci e esfuerso y ehercisio pa mira con por trece un comunidad hunto cu miras riba un desaroyo basa riba e principionan di bon comun. Un vision cu mester brinda oportuinidad husto na un y tur pa por florece. Eman y van Tongeren a palabra di lo sigui den contacto riba e tema importante aki.