MINISTER ENDY CROES Y FUNDACION PLAN DI BIDA A BISHITA MON PLAISIR COLLEGE HAVO, EN CUADRO CU PROYECTO MI BIDA, MI RESPONSABILIDAD
ORANJESTAD: Diahuebs mainta, Minister di Enseรฑansa y Deporte Endy Croes a bishita Mon Plaisir College Havo pa e proyecto Mi Bida, Mi Responsabilidad. Den e luna di november di aรฑa 2023, Fundacion Plan di Bida conhuntamente cu Minister di Enseรฑansa Endy Croes a inicia cu e proyecto aki, cual ta enfoca riba e studiantenan cu ta bay continua nan estudio den exterior. E meta di Fundacion Plan di Bida ta pa trece conscientisacion den comunidad di Aruba, ofrece ayudo y guia riba maneho di finansas. Durante e presentacion, e studiantenan di havo 5 a haya informacion tocante maneho di presupuesto. Un mal maneho di presupuesto por trece diferente consecuencia, entre otro, problema financiero, problema den comportacion y problema psicologico. Finalmente, Minister Endy Croes ta indica cu e ta contento di e trabou cu Fundacion Plan di Bida ta haciendo na e scolnan pa brinda informacion valioso na nos hobennan cu ta bay continua nan estudio den exterior.
