MINISTER ENDY CROES TA FELICITA E 6 GRADUADONAN DI E ESTUDIO DI SALUBRIDAD Y SERVICIO DI COLEGIO EPI
ORANJESTAD: Diaranson atardi, Minister di Enseรฑansa y Deporte Endy Croes a asisti na Colegio EPI, unda cu seis (6) studiante di Salubridad y Servicio a gradua. Durante e ocasion special aki, e studiantenan a huramento den presencia di Minister di Enseรฑansa Endy Croes y a firma nan diploma pa por a gradua oficialmente. Un di e studiantenan no ta na Aruba mas y lo haci e proceso aki na Arubahuis na Hulanda pa gradua oficialmente. Directora general di Colegio EPI Sra. Ankie Danker a indica cu e studiantenan tin un bon trayectoria tras di lomba y cu nan ta hopi orguyoso di e studiantenan. Sra. Danker ta sigui bisa cu tambe nan ta orguyoso di e team di Colegio EPI cu a contribui pa forma e studiantenan y guia nan pa ta bon prepara den nan futuro carera. E mision di Colegio EPI ta pa tur studiante cu inicia un estudio eynan, termina cu un diploma den su man. Minister Endy Croes ta felicita e 6 graduadonan y ta desea nan tur clase di exito den futuro. Alabes ta felicita e directora Sra. Ankie Danker y e team di Colegio EPI cu a contribui den e desaroyo di e graduadonan.
