Parlamentario Shailiny Tromp-Lee: Nos no ta unda nos mester ta, pero nos ta riba e bon caminda – Feliz dianan di Fiesta –

Dialuna, dia 18 di december 2023, nos a aproba Presupuesto di pais Aruba pa aña 2024. Un presupuesto cu a keda aproba cu 12 voto pro y 7 contra.

Un presupuesto cu:

– A keda entrega na tempo.

– Un surplus di 1%, cual ta Afl. 70 miyon.

– Ta cumpli cu normanan.

– Ta enfatisa y anticipa crecemento economico actual y pa futuro.

– Ta brinda perspectiva y speransa.

– Gobierno di Aruba a anuncia entre otro aumento di salario minimo y pensioen di biehes entrante 1 di januari 2024.

Tin hopi mas a keda trata, presenta y sugeri. Tur esaki na bienestar di nos pais y nos hendenan.

Nos no ta unda nos mester ta, pero nos ta riba e bon caminda. Trabounan grandi a y lo keda realisa pa mehora Aruba su situacion financiero. E logronan ta di admira mirando e situacion hereda di Mega Debe y Crisis Social y e impacto devastador di e pandemia.

Ban laga nos pasa e dushi dianan di fiesta nos dilanti den harmonia y union familiar. Laga nos tur aporta na esnan cu tin e dificil na un manera of otro.

Ban reflexiona y realisa con bendiciona nos ta. Ban sigui traha riba nos progreso propio y esun di nos pais. Ban habri aña positivo y yen di speransa. Feliz dianan di fiesta. Bon Pasco y cu Papa Dios bendiciona cada un di bosonan.