Secretario General di MEP: Refrescando memoria cu e berdad
Paul Croes den caso Bashaca a ricibi mas di 100 mil pa fix permiso
Secretario General di MEP por a tuma nota di un movecion di algun persona yega na Paul Croes, e ex-Minister di AVP, kende actualmente ta sintando un castigo di 3 aña den KIA pa actonan criminal y coruptivo cu el a comete. Pa algun siman, algun persona kier pinta e caso aki bunita comosifuera cu ta e huesnan ta robes y Paul Croes ta inocente. Un (1) hues den “eerste aanleg” mas tres (3) hues den “Hogerberoep” y cinco (5) hues den “cassatie” a condena Paul Croes pa su actonan criminal y coruptivo. Pues, un total di 9 hues a condena Paul Croes despues di a prueba tur tur cos den sala di corte. “A buen entendedor, pocas palabras”!
Resumiendo e caso di Bashaca:
Caso Bashaca ta forma un parti chikito di henter e caso IBIS, cual ta e caso di Paul Croes e ex-Minister di AVP. Den e caso aki un tal Schwengle y Filiciana (tramitadornan amigo di Paul) a cobra masha masha hopi placa pa “ontheffing” pa permiso. Manera hues a bisa den su “vonnis”, a lanta un “ontheffingsfabriek” unda tabata procesa peticionnan ficticio y falso a cambio di hopi placa. Den e investigacion a haya un schrift cu informacion con nan tabata reparti e placa. Tin un kolom cu nomber di Schwengle, un kolom cu nomber di Filiciana y un kolom cu nomber di Paul Croes. E kolom di Paul Croes a surpasa 100 mil florin. Durante e investigacion e declaracionnan di Schwengle y Filiciana a confirma kende tur tabata ricibi placa, incluyendo e ex-Minister di AVP, esta Paul Croes. Solamente pa refresca memoria di esnan cu kier bende Paul Croes pa victima y kisas purba tira culpa riba e 9 huesnan cu a condena Paul.
Parti di e Vonnis:
Casus Bashaka etc. Uit de verklaringen van medeverdachte Schwengle en Filiciana volgt dat verdachte zich op grote schaal aanmerkelijke geldsommen heeft laten betalen in ruil voor zijn handtekening voor het verlenen van ontheffingen. Er is een ‘ontheffingenfabriek’ opgezet, waarbij fictieve, valselijk opgemaakte aanvragen voor ontheffing door Schwengle en Filiciana werden aangeboden. Allen brachten daarvoor een flinke som geld in rekening bij een buitenlandse werknemer. De verklaringen van Schwengle en Filiciana zijn gedetailleerd en komen op de relevante onderdelen, te weten waar zij de rol van verdachte (Paul Croes) beschrijven, met elkaar overeen. Daarnaast worden de verklaringen door technisch bewijs ondersteund. In het bijzonder wijst het Gerecht op de bij Filiciana aangetroffen documenten. Er is een opsomming te zien van de naam van een vreemdeling die een ontheffing heeft gekregen, de naam van Filiciana met een getal, de naam van Schwengle met een getal en de naam van verdachte ( Paul Croes) met een getal. De getallen komen overeen met de geldbedragen die volgens Filiciana en Schwengle aan de betrokkenen ( Paul Croes) betaald werden. De betrouwbaarheid van de verklaringen wordt sterk ondersteund door het feit dat Filiciana en Schwengle zichzelf daarmee ernstig hebben belast.
Pues, esaki ta un parti den e “vonnis” unda claramente por mira con Schwegle y Filiciana mes a splica cu nan mes tabata paga Paul su parti pa su cooperacion. Esaki ta un parti masha chikito di e caso grandi di IBIS di Paul Croes. Ta bon pa pueblo keda al tanto di e realidad y gravedad di e caso y no ta pornada nuebe (9) hues a condena Paul Croes na 3 aña di prison y 9 aña cu e no por eherce ningun trabou den funcion publico y tampoco por bay riba un lista politico. Si no pone ordo den e pais aki pa caba cu e desordo di AVP y su politiconan corumpi, hamas y nunca Aruba lo recupera. Pa esnan cu ta sclama pa libertad di Paul Croes ta bon pa lesa tur “vonnis” pa sa kico en realidad Paul a haci y puntra Bo mes si ta esaki nos kier pa Aruba. Ta manera tempo a libera Barabas pa castiga Jesus! Esaki hamas por ripiti. Nunca mas por vota pa AVP. Cada ken cu peca sinta riba su blaar!
